මහනුවර ප්රධාන පෙළේ බාලක පාසලක පළමු වසර සඳහා ආදි ශිෂ්ය පදනමින් සිසුවෙකු ඇතුළත් කිරීමට ආදි සිසුවෙකු නොවන පුද්ගලයෙකුට විද්යාලයේ ආදි සිසුවෙකු බව දක්වමින් ව්යාජ ලිපියක් එම විදුහලේ ආදි ශිෂ්ය සංගමයට අයත් පරිගණකයෙන් සකස්කර මුද්රණය කර ලබා දී තිබෙන බව සාක්ෂි සහිතව ඊයේ (19) ඔප්පු වුනේය.
අදාළ පරිගණකය පොලිස් භාරයට ගෙන රස පරීක්ෂක වෙත යොමු කිරීමෙන් පසු ලබාදුන් වාර්තාව අනුව මේ බව තහවුරුව තිබෙන්නේ යැයි මහනුවර පොලීසියේ විශේෂ අපරාධ විමර්ශන ඒකකය පැවසුවේය.
විදුහලේ පළමු වසරට 2022 වසරේ දී සිසුවෙකු ඇතුළත් කිරීමට මෙම කූඨ ලේඛනය ඉදිරිපත් කර තිබිණි. අදාළ පාසලේ අධ්යාපනය ලද වෘත්තියෙන් වෛද්යවරයෙකු වූ පුද්ගලයෙකු හදිසියේ මියගොස් තිබෙන අතර දරුවා ඇතුළත් කිරීමට ඔහු ගේ නම භාවිත කරමින් කූඨ ලේඛණය ඉදිරිපත් කර තිබුණේ එම මිය ගිය වෛද්යවරයාගේ සහෝදරයා විසිනි.
මෙම සහෝදරයා වෙනත් පාසලක අධ්යාපනය ලබා තිබෙන අතර 2023 වසරේ දී වෛද්යවරයා ගේ දරුවා පාසලට ඇතුළත් කිරීමට සිටි බැවින් ඔහු ගේ බිරිඳ මෙම සිදුවීම සම්බන්ධයෙන් පොලිසියට පැමිණිලි කර තිබිණි.
ඒ ඔස්සේ පරීක්ෂණ කළ පොලීසිය ආදි ශිෂ්ය සංගමයේ සාමාජිකයින් කිහිප දෙනෙකුගෙන්ම ප්රකාශ සටහන් කරගනු ලැබීය. විදුහල්පතිවරයා ද මේ සම්බන්ධයෙන් පොලීසියට පැමිණිල්ලක් කිරීමෙන් පසු දරුවා පාසලෙන් ඉවත්කර ගැනීමට වෛද්යවරයාගේ සහෝදරයා කටයුතු කර තිබිණි.
සිද්ධිය සම්බන්ධයෙන් පසුව පොලීසිය විසින් ඔහුව අත්අඩංගුවට ගෙන අධිකරණයට ඉදිරිපත් කළ අතර ඔහු මේ වනවිට සිටින්නේ ඇප මත නිදහස්වය.
පාසලට ළමුන් ඇතුළත් කර ගැනීම සඳහා සිටි සම්මුඛ පරීක්ෂණ මණ්ඩලයට ආදි ශිෂ්ය සංගමයේ සාමාජිකයෙකු ද අයත් ය. ආදි සිසුවෙකු නොවන පුද්ගලයෙකු ආදි සිසුවෙකු ලෙස පෙනී සිටිමින් දරුවා ඇතුළත් කිරීමට උත්සාහ කිරීම එම සාමාජිකයා නොදැන සිටියේ ඇයිද යන්න පොලීසිය ප්රශ්න කර තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
සිද්ධිය සම්බන්ධයෙන් මහනුවර පොලීසියේ විශේෂ අපරාධ විමර්ශන ඒකකයේ ස්ථානාධිපති ප්රධාන පොලිස් පරීක්ෂක හේරත් මහතා ඇතුළු කණ්ඩායමක් පරීක්ෂණ පවත්වයි
