දිනසේන රතුගමගේ –
මන්නාරමේදී අතුරුදහන් වූ දාහතර හැවිරිදි පාසල් දැරියක් පුත්තලමේදී හමු වීමෙන් පසුව ඇයව පාලාවිය පොලිසිය වෙත 19 දා බාර දී ඇත.
මන්නාරමේ මුසලි බණ්ඩාරවේලී ප්රදේශයේ ජීවත් වූ මුසලි පාසලේ 10 වන වසරේ ඉගෙනුම ලැබූ මෙම ශිෂ්යාව මීට දින හතරකට පමණ පෙර නිවසින් අතුරුදහන් වී අති බවට මන්නාරම සිලාවතුර පොලීසියට ඇයගේ දෙමව්පියන් විසින් පැමිණිලි කොට තිබුණි.
ඒ අනුව ක්රියාත්මක වූ පොලිසිය සියලුම පොලිස් ස්ථාන වලට මේ බව දැණුම් දීමෙන් පසුව ඇයව පුත්තලමේදී සොයා ගැනීමට හැකි වී ඇති අතර ඇයව මන්නාරමට රැගෙන විත් අධිකරණයට ඉදිරිපත් කිරීමට පොලිසිය පියවර ගෙන තිබේ.
පොලිසිය කළ ප්රශ්න කිරීම් වලදී ඇය නිවසින් පැන යන ලද්දේ කවර හේතුවක් නිසාදැයි අනාවරණය වී නොමැත.
මන්නාරම සිලාවතුර පොලිසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
