දිනසේන රතුගමගේ –
කිළිනොච්චියේ ආනන්දපුරම් ප්රදේශයේ මත්ද්රව්ය ජාවාරම්කරුවකුගේ නිවසක් තුළ සිටි උප පොලිස් පරීක්ෂකවරයෙකු සමග පුද්ගලයින් පස් දෙනෙකු කිළිනොච්චිය පොලීසිය විසින් ඊයේ (28) අත් අඩංගුවට ගෙන තිබේ.
සැකකටයුතු ලෙස පුද්ගලයින් පිරිසක් එම නිවසේ රැඳී සිටින බවට පොලීසියට ලද තොරතුරක් මත පොලීසිය එම නිවස වටලා පරීක්ෂා කළ අවස්ථාවේදී මේ පිරිස අත් අඩංගුවට පත්ව ඇත්තේ ඒ වන විටත් එම නිවස තුළ හෙරොයින් මිලි ග්රෑම් 2700 ක ප්රමාණයක් තිබී හමුවීම නිසාය.
අත් අඩංගුවට පත් උප පොලිස් පරීක්ෂකවරයා යාපනයේ ඌර්කාවතුරේ පොලීසියේ සේවය කරන අයෙකු වන අතර ඔහු කිළිනොච්චියේ මෙම නිවසට පැමිණ ඇත්තේ මත්ද්රව්ය පානය කිරීම සඳහා බවට තොරතුරු හෙළි වී තීබේ.
ඔහු ඇතුලු පිරිස පොලිස් අත් අඩංගුවට පත්වන විට මත්ද්රව්ය ජාවාරම්කරු හැරෙන්නට අනෙක් ඉතිරි හතර දෙනාම මත්ද්රව්ය පානය කොට සිටි බව හෙළි වී තිබේ.
එමෙන්ම ඔහුගේ හිතවතෙකු වන මෙම මත්ද්රව්ය ජාවාරම්කරුට එම ව්යාපාරය පවත්වා ගෙන යාම සදහා උප පොලිස් පරීක්ෂකවරයා උදව් උපකාර කොට ඇති බවද පොලීසිය කළ ප්රශ්න කිරීම් වලදී අනාවරණය වී තිබේ.
සැකකරුවන් පස් දෙනා කිළිනොච්චිය අධිකරණය වෙත ඉදිරිපත් කිරීමට කිළිනොච්චිය පොලීසිය පියවර ගෙන තිබේ.
