දයාසිරි ජයසේකර වසර ගණනක් මඩේ ලැගි ඌරෙක් සේ හැසිරෙමින් හතර අතේ මඩ තවරමින් යනවා පමණක් නොව අවසානයේ දී එවකට තමන්ගේ ජනාධිපති මෛත්රීපාල සිරිසේනත් බරපතල සදාචාරාත්මක අවුලකට පත් කර ඇතැයි කැබිනට් මාධ්ය ප්රකාශක අමාත්ය වෛද්ය නලින්ද ජයතිස්ස අද (24) පැවසුවේය.
ඔහු මේ බව පැවසුවේ 2005 -2010 කාලයේ දී ජනතා විමුක්ති පෙරමුණේ දේශපාලකයින් ද ජනාධිපති අරමුදලින් මුදල් ගත් ලේඛන තමන් සතුව ඇති බව ද ඒවා ඊලඟ පාර්ලිමේන්තු සැසිවාරයේ දී පාර්ලිමේන්තුවට ඉදිරිපත් කර ප්රශ්න කරන්නේ යැයි ද දයාසිරි ජයසේකර ඊයේ සිදුකර තිබූ ප්රකාශය සම්බන්ධව ද කැබිනට් තීරණ දැනුම් දීමේ මාධ්ය හමුවේ දී මාධ්යවේදියෙක් නැගූ ප්රශ්නයකට කිරීමකට පිළිතුරු ලබා දෙමිනි.
එහිදී කැබිනට් මාධ්ය ප්රකාශක අමාත්ය වෛද්ය නලින්ද ජයතිස්ස මෙසේ ද පැවසුවේය.
“පාර්ලිමේන්තුවේ දි මා ඉදිරිපත් කළේ 2005 සිට 2024 දක්වා ජනාධිපති අරමුදලින් මුදල් ලබා ගත් දේශපාලකයින් කීප දෙනෙකුගේ නම් පමණයි. තවත් නම් ලයිස්තුවක් මගේ අතේ තියනවා. ප්රාදේශීය සභා, නගර සභා, පළාත් පාලන ආයතනවල සභාපතිවරු, පළාත් සභා මැති ඇමතිවරු, ආණ්ඩුකාරවරු, … ඒ අයගේ ලේඛනයකුත් තියනවා. මම එදා කොටසක් පමණයි ඉදිරිපත් කළේ.”
“ඒ නිසා ඒ 2005 සිට 2024 දක්වා. ඉස්සරහට ඊට වඩා දේවලුත් අපි ඉදිරිපත් කරන්නම් ජනාධිපති ලේකම් කාර්යාලයේ ඒ ගොල්ල ඉතිරි කරලා ගිහින් තියන ලේඛන මත. අපරාධ පරීක්ෂණ දෙපාර්තමේන්තුව විතරක් නෙමෙයි, ජනාධිපති ලේකම් කාර්යාලයෙත් ඔය හැම ලේඛනයක්ම සොයා ගැනීම එතරම්ම ලේසි පහසු නෑ.
“දයාසිරි ගැන කියපු නිසා අනිත් ඔය නම් සඳහන් කරපු මන්ත්රීවරු ඇමතිවරු තිහකට ආසන්න ප්රමාණයක් ඉදිරිපත් කළා. දයාසිරි ඇරුණාම අනෙක් අය භාරගත්තා ඔව් විවිධ තත්ත්වයන් තුළ මේ අය ගත්තා කියලා. දයාසිරි විතරක් එක එක දේවල් කියකියා යනවා.”
“මට මතක් වෙන්නේ සමහර මඩේ ලැගපු ඌරෝ… ඒ අය එළියට ඇවිත් ගඟක ඇලක දොලක පැනලා මඩ හෝදගන්න නෙමෙයි ට්රයි කරන්නේ, තමන්ගේ ඇඟේ තියන මඩ ටික කොහෙ හරි තාප්පයක, ගහක, ගලක උල උලා යන්න. ඒ වගේ වැඩක් තමයි කරමින් ඉන්නෙ. ”
” දැන් දයාසිරි කියන්න ඕන මම කොච්චර මුදලක් ගත්ත ද, එහෙමත් නැතිනම් තවත් අරමුදල්වලින් අරගෙන තියනව ද, පක්ෂයෙනුත් ගත්තද… ඒ ආදී දේවල් කියනවා මිසක් ජනාධිපති අරමුදලින් මුදල් ලබා ගත්ත අයගේ නාම ලේඛණය ඉදිරිපත් කළ මට හරි වෙන කාටහරි අවලාද ගහලා තේරුමක් නෑ.”
“ඉතින් කලබල වෙන්න දෙයක් නෑ. අනෙක් ඔය මන්ත්රීවරු ඇමතිවරු වගේම ඔව් ගත්තා කියලා පිළි අරන් හිටියා නම් හරිනෙ. එයා තමයි මේක හත්පොළේ ගාගෙන යන්නේ. ගත්තේ නැත්නම් නෑ කියන්න. මෙහෙම කියන්න බෑ. මට සිහිය නැතිවෙලා තිබුණේ. මම හිටියේ අන්කොන්ෂස් තත්ත්වයක. මෛත්රීපාල සිරිසේන ඇවිත් ඒක ගෙවලා ගිහින් තිබුණා. ”
“ඒකෙන් අදහස් වෙන්නේ මොකක්ද?. මේක ඇවිල්ලා අරමුදලක්. ජනාධිපති අරමුදල කියන්නේ පොදු ජනතාවගේ මුදලින් හැදුන අරමුදලක්. ඒ අරමුදලේ තීන්දු ගැනීම සඳහා ජනාධිපතිවරයා ප්රමුඛ මණ්ඩලයක් තියනවා. මණ්ඩලයකින් ගන්න ඕන තීන්දුවක් හොස්පිටල් එකට ගිහින් “මෙයා දැන් අන්කොන්ෂස්. මෙයාගෙ බිල මම ගෙවනවා” වගේ තීන්දු ගන්න ජනාධිපතිට බැහැ. එහෙම අරන් තියනවා කියලා අපටත් ආරංචියි. සමහර ජනාධිපතිවරු මගුල් ගෙවල්වලට ගිහින් තෑගි විදිහට වාහන පර්මිට් දීලා ඇවිත් තිබුණා. එහෙම කරලා තියනවා. මෙහෙම තමයි හිටපු ජනාධිපතිලා වගකිම් විරහිතව හැසිරිලා තියෙන්නේ. දයාසිරි පෙරළා චෝදනා කරන්නෙ මෛත්රීපාල සිරිසේන – එයාගෙම නායකයට… ”
“මම දන්නෙ නෑ එයා කොයි කණ්ඩායමේ ද දැන් කියලා. ඒ නිසා මේවා කියන්න කියන්න ඒ ගොල්ල කරපු සදාචාරාත්ම වරද තමයි හෙළිදරවු වෙමින් යන්නේ. මම හිතන්නේ ඉතිරි ටිකත් එළියට දැම්මම මේ ප්රශ්නය විසඳෙනවා.”
