ලෙබනනයේ බේරුට් නගරය මැද පසුගියදා අගහරුවාදා සිදුවූ දැවැන්ත පිපිරීමේ කම්පනය ලෝකයටම දැනුණි. මෙම පිපිරීමක් සමඟ වෛරසයකටත් වඩා වේගයෙන් පැතිර ගිය එම පිපිරීමේ බිහිසුණුකම දිස්වෙන වීඩියෝ දර්ශන ලෝකයම කම්පනය කළේය. එය ත්රස්ත ප්රහාරයක්ද යන්න පිළිබඳව යන සැකය ලොව පුරා පැතිර ගියද පිපිරුමෙන් විනාඩි කිහිපයක් යන්නට මත්තෙන් අවබෝධ වූ කරුණක් වන්නේ එය බීරුට් වැසියන් බලාපොරොත්තුවෙන් සිටි දැවැන්ත පිරිරුමක් බවය.
ප්රහාරයෙන් මොහොතකට පසුව ලෙබනනයේ අග්රාමාත්යවරයාම නිල වශයෙන් ප්රකාශ කළේ මෙම පිපිරීමට ලක්වූයේ බෝම්බ නිෂ්පාදනයට මෙන්ම පොහොර නිෂ්පාදනයට යොදා ගන්නා ඇමෝනියම් නයිට්රේට් ටොන් 2750ක් ගබඩා කර තිබූ ගබඩාවක් බවය.එය දෛවය විසින් ලෙබනනයට එවූ පාවෙන බෝම්මබයක් ද යන කතාව මේ වනවිට ලෝකය පුරා ප්රචලිතව ඇත්තේ මෙය වසර හතක් තිස්සේ බීරුට් නගරය අවදානමකට ලක් කරමින් පැමිණි අනතුරක් බව එරට කවුරුත් දැන සිටි නිසාය.
ජීවිත 140ත් පමණ බිලිගත් පන්දහසකට ආසන්න පිරිසකට තුවාල සිදු කරමින් බීරුට් වරාය ආසන්නයේ ජලය පිරි විලක් වැනි දැවැන්ත ආවාටයක් තනමින් මෙලෙස පිපිරුමකට ලක් වූ ඇමෝනියම් නයිට්රේට් තොගය 2013 වසරේ ලෙබනනයට පැමිණියේ රුසියානු බංකොලොත් ව්යපාරිකයකු නිසා මාර්ගයෙන් බව වාර්තා වේ. මෙම ඇමෝනියම් නයිට්රෙට් තොගය රුසියානු නාවික සේවා ව්යාපාරිකයකු වන ඉගෝ ග්රෙතුස්තින් ට අයත් MV Rhosus නමි නැවෙන මොසැම්බික් රාජ්යය වෙත ප්රවාහනය කරමින් සිට ඇත. මෝල්ටෝවා රජයේ ධජය යටතේ ධාවනය වුණු මෙම නැව දැවැන්ත ඇමෝනියා නයිඨ්රෙට් තොගයක් ප්රවාහනය කිරීම භාර ගැනීම පිළිබඳව නෞකා කාර්ය මණ්ඩලය පවා විරෝධය පළ කොට තිබිණ. එයට හේතුව එහි පැවැති අවදානම් සහගත බවය. මේ නිසා ඔවුන් මෙය අදාළ බලධාරීන් දැනුම්වත් කර ඇත්තේ ඔවුන් වැඩ කරන නෞකාව පාවෙන බෝම්බයක් ලෙස හඳුන්වමිනි.
මොසැම්බික් බලා ගිය මෙම නෞකාව පෙර සැලසුම් නොකළ පරිදි බීරුට් වරායට සේන්දු කරවීමට ග්රෙතුස්තින් කටයුතු කර ඇති අතර ඔහු තම ව්යාපාරය බංතොලොත් වීම නිසා මෙම නෞකාව රසායනික ද්රව්ය තොගය සමගින්ම බීරුට් වරායේ අතහහැර ඇත. එයින් පසුව මෙම රසායනික ද්රව්ය තොගය බීරුට් බලධාරීන් විසින් අත්අඩංගුවට ගෙන ඒ ආසන්නයේ ඇති ගබඩාවක ගබඩා කර තිබුණද එරට බලධාරීන් අතර මේ සම්බන්ධයෙන් දැඩි කතා බහක් අති වූයේ එය එලෙස ගබඩා කිරීම දැඩි අනතුරුදායක තත්ත්වයක් බවය. විශේෂයෙන්ම මෙම රසානික ද්රව්ය්ය ගබඩාව බීරුට් හි නිතර ජනාකීර්ණ වන සාප්පු සංකීර්ණ ඇතුළු ජනාකීර්ණ ප්ර දේශයක පැවතී අනතුරුදායක බව එහිදී ප්රකාශ වුණි. එසේම යම් පිපිරීමක් එහි ඇති වුණහොත් එයින් මුලු බීරුට් නගරයම විනාශ වී යා හැකි බවට ප්රකාශ වුණි. මේ කතා කිසිවක් ගැන එරට රජය ලොකු අවදානයක් යොමු නොකළ බව පෙනෙන්නේ මෙම සිදුවීම වන්නට ඉඩ හැරීමෙනි.
දැනට සයිප්රසයේ ජීවත් වන මෙම කෝටිපති රුසියානුවා කවර අරමුණකින් මෙම රසායනික් ද්රව්ය තොගය ප්රවාහනය කළේද ඒවා හදිසියේ සැලසුම් නොකළ පරිද්දෙන් බීරුට් හී අතහැරියේ තවර හේතුවක් නිසාද යන්න සිදුවීමෙන් හත් අවුරුද්දක් ගක වී ඇතත් බලදාරීන්ට පැහිදලි කර ගැනීමට හැකියාවක් ලැබී නැත. මෙම නැවේ කපිතාන්වරයා ඇතුලු කාර්ය මණ්ඩලය මාස කිහිපයක්ම ලෙබනන් බලධාරීන් විසින් රඳවාගෙන සිට ඇති අතර ඔවුන් නීතීඥයන් මාර්ගයෙන් අධිකරණයට පවසා ඇත්තේ නැව හිමි රුසියානු වයාපාරිකයා තම ව්යාපාර බංකාලොත් බව පවසා ඇති වුවත් එහි කාර්ය මන්ඩලයද වැටුප් පවා නොගෙවා අතහැර දමා ඇති බවය.
කෙසේ වුවද කිසිදු ගඳක් සුවඳක් නැති කැට ස්වබාවයෙන් පවතින ඇමෝනියම් නයිට්රෙට්වල භාවිතවන් සහ භයානකකම් ගැන ලෝකයටම අවබෝධයක් ඇත. එවැනි අවබෝධයක් තිබියදීත් මේ තරම් ලොමු ඩැහැ ගැන්වෙන දැවන්ත පිරිරුමක් සිදු කොට ජීවිත, දේපළ ගණනාවක් අකර්මණය කළ ඒ සිදුවීම නොසැලකිලිමත් කම පිළිබඳව ලෝකයාට ලොකු පාඩමක් මේ වනවිට කියා දි ඇත.
බේරුට් වරායට රසායනික ද්රව්ය ගෙනා නැව