බහුපාර්ශ්වික කටයුතු සහ ණය තිරසාරභාවය පිළිබඳ ජනාධිපති උපදේශක කණ්ඩායමේ සාමාජිකයින් ලෙස කීර්තිමත් ආර්ථික සහ රාජ්ය මූල්ය විශේෂඥයින් කණ්ඩායමක් ජනාධිපති ගෝඨාභය රාජපක්ෂ විසින් පත් කර ඇතැයිජනාධිපති මාධ්ය අංශය වාර්තා කරයි.
උපදේශක කණ්ඩායමේ සාමාජිකයින් මෙසේය.
- ශ්රී ලංකා මහ බැංකුවේ හිටපු අධිපති සහ පොදුරාජ්ය මණ්ඩලීය ලේකම් කාර්යාලයේ ආර්ථික කටයුතු අංශයේ හිටපු අධ්යක්ෂ ආචාර්ය ඉන්ද්රජිත් කුමාරස්වාමි
- ජෝර්ජ්ටවුන් විශ්ව විද්යාලයේ සංවර්ධන පරිචය පිළිබඳ මහාචාර්ය සහ ලෝක බැංකුවේ හිටපු ප්රධාන ආර්ථික විද්යාඥ මහාචාර්ය ශාන්තා දේවරාජන්.
- ආයතනීය ධාරිතා සංවර්ධන ආයතනයේ හිටපු අධ්යක්ෂ සහ IMF හි අප්රිකානු දෙපාර්තමේන්තුවේ හිටපු නියෝජ්ය අධ්යක්ෂ ආචාර්ය ෂාර්මිනී කුරේ එම මණඩලය නියෝජනය කරයි.
ජනාධිපති උපදේශක කණ්ඩායම පත්කිරීමෙන් පසු සාමාජිකයින් විසින් ජාත්යන්තර මූල්ය අරමුදලේ වැඩසටහන ඉදිරියට ගෙනයෑම සහ අදාල අවශ්යතා වෙනුවෙන් නිරන්ත සන්නිවේදන කටයුතු පවත්වාගැනීම ඇතුළු ප්රධාන කරුණු සාකච්ඡාවට ලක්කෙරුණු බව මාධ්ය අංශය පවසයි.
ජාත්යාන්තර මූල්ය අරමුදල සමග සම්බන්ධ වී සිටින ශ්රී ලාංකික ආයතන සහ නිලධාරීන් සමග සාකච්ඡා කිරීම, වර්තමාන ණය අර්බුදයට පිළියම් යෙදීමට සහ තිරසර ලෙස ශ්රී ලංකාව ප්රකෘතිමත් කිරීම සඳහා අවශ්ය මගපෙන්වීම ලබා දීම ජනාධිපති උපදේශක කණ්ඩායමට පැවරි ඇති වගකීමය.
