මනම්පිටිය නිමල් ජයරත්න
ඓතිහාසික වැලිකන්ද කවුඩාගල ආරණ්ය සේනාසනයේ ඇති ක්රිස්තු පූර්ව දෙවන සියවසේ ඉදිකළ බවට සැලකෙන පෞරාණික චෛත්ය වහන්සේ ගේ සංරක්ෂණ කටයුතු සඳහා දිඹුලාගල ආරණ්ය සේනාසනයේ භික්ෂූන් වහන්සේලා සහ, මඩකලපුව කල්කුඩා ශ්රී සීලාලංකාර බෞද්ධ මධ්යස්ථානයේ සාමණේර හිමිවරු පිරිසක් අද (02) විශේෂ ශ්රම පූජාවක් පැවැත්වූහ.
ඓතිහාසික දිඹුලාගල ආරණ්ය සේනාසනාධිපති දිඹුලාගල රාහුලාලංකාර නාහිමියන්ගේ සහ මඩකලපුව කල්කුඩා ශ්රී සීලාලාංකාර බෞද්ධ මධ්යස්ථානාධිපති දේවගල දේවාලංකාර නාහිමියන්ගේ අනුශාසකත්වයෙන් මෙම ශ්රම පූජාව සිදු කළහ.
ඓතිහාසික කවුඩාගල ආරණ්ය සේනාසනයේ චෛත්යය කැණීම් කටයුතු කිරීමෙන් අනතුරුව එහි ප්රතිසංස්කරණ කටයුතු 2021 අගෝස්තු 11 වෙනිදා දේවගල ප්රඥාසීහලංකාර නාහිමියන්ගේ අනුශාසකත්වයෙන් ආරම්භ විය.
මහින්දාගමනයට සමකාලීනව ඉදිවන මෙම දාගැබ් වහන්සේ අනුරාධපුර යුගය පුරා වන්දනාවට පත වු ලක්ෂණ පුරාවිද්යා කැනීම්වලින් අනාවරණය වී ඇත.
මහින්දාගමනයත් සමඟ සාසනයට පූජා කිරීමෙන් පසුව වසර 1000 පමණ කාලයක් බෞද්ධයන් විසින් වැඳුම් පිදුම් කර ඇති බවට පුරාවිද්යා සාක්ෂි තහවුරු වන මෙම කවුඩාගල චෛත්ය රාජයන් වහන්සේගේ කැණීම් කටයුතු අවස්ථා කිහිපයකදී සිදුකිරීමට කටයුතු කළහ.
ඓතිහාසික කවුඩාගල ආරණ්ය සේනාසනයේ චෛත්යයේ ඉදිකිරීම් කටයුතු ඉතා කඩිනමින් අවසන් කර එම චෛත්ය ලක්වාසී ලෝකවාසී, බෞද්ධ දායකකාරකාදීන්ට වන්දනීයත්වයට පත් කිරීමට අවස්ථාව සැලසීම තම අපේක්ෂාව බව මෙහිදී අනුශාසනාවක් සිදු කරමින් දේවගල පඤ්ඤාසීහලංකාර නාහිමියන් සඳහන් කළහ.
