වෙළෙඳ හා පරිසර රාජ්ය අමාත්යවරයා ලෙස පාර්ලිමේන්තු මන්ත්රී සතාසිවම් වියාලේන්ද්රන් ජනාධිපති කාර්යාලයේදී ජනාධිපති රනිල් වික්රමසිංහ ඉදිරියේ අද (24) උදේ දිවුරුම් දුන් බව ජනාධිපති මාධ්ය අංශය නිවේදනය කරයි.
මඩකලපුව දිස්ත්රික්කය නියෝජනය කළ ශ්රි ලංකා පොදු ජන පෙරමුණ නියෝජනය කරන මන්ත්රීවරයෙක්ව සිටි වියාලේන්ද්රන් ගෝඨාභය රාජපක්ෂ ජනාධිපතිවරයා යටතේ පසුගාමී ග්රාමීය ප්රදේශ සංවර්ධන සහ ගෘහාශ්රිත සත්ත්ව පාලන සහ සුලු ආර්ථික භොග වගා ප්රවර්ධන රාජ්ය අමාත්යවරයා ලෙස කටයුතු කළේය.
ඔහු වෙළෙඳ රාජ්ය අමාත්යවරයා ලෙස කටයුතු කරමින් සිටි අතර අද ඔහු පරිසර විෂය භාර රාජ්ය අමාත්යවරයා ලෙසත් දිවුරුම් දුන්නේය. පරිසර අමාත්යවරයා ලෙස කටයුතු කරන්නේ ජනාධිපති රනිල් වික්රමසිංහය. මෙතෙක් පරිසර රාජ්ය අමාත්යවරයා ලෙස ජානක වක්කුඹුර කටයුතු කළේය. ජානක වක්කුඹුරත් පරිසර රාජ්ය අමාත්ය ධූරයේ ඉන්නේය.
පසුගිය 22 දා ජනාධිපතිවරයා මඩකළපුවේ කළ සංචාරය අතරතුර දෙමළ ප්රගතිශීලි සංගමයේ නායක රාජ්ය අමාත්ය එස්. වියාලේන්ද්රන් කැපී පෙනෙන වැඩ කොටසක් කළේය.
සංචාරය අතරතුර වියාලේන්ද්රන්ගේ නිවසට ද ජනාධිපති රනිල් වික්රමසිංහ ගියේය. වියාලේන්ද්රන් මහතාගේ පවුලේ සාමාජිකයන් සමඟ ද ජනාධිපතිවරයා සුහද කථා බහක නිරත විය.
අද වියාලේන්ද්රන්ට තවත් රාජ්ය ඇමතිකමක් හිමි විය.
