ජනාධිපතිවරයාගේ දෑත් ශක්තිමත් කිරීමට පොහොට්ටුවෙන් වෙන් වී ජනාධිපතිවරයා ලඟට ගිය ඇතැම් නායකයින් නැවත පොහොට්ටුට එක්වීමට කැමැත්ත පළ කරමින් සිටින බව පාර්ලිමේන්තු මන්ත්රී ජොන්ස්ටන් ප්රනාන්දු සඳහන් කළේය.
ඔහු මේ බව පැවසුවේ ලබන 21 වැනිදා අනුරාධපුරයේ පැවැත්වීමට නියමිත පොහොට්ටුවේ ජනාධිපති අපේක්ෂක නාමල් රාජපක්ෂට සහයෝගය දැක්වීම සඳහා පැවැත්වෙන මංගල රැළියේ සංවිධාන කටයුතු සොයා බැලීම සඳහා අනුරාධපුර කඩපනහ ප්රදේශය වෙත ගිය අවස්ථාවේ දී ය.
පොහොට්ටුවේ මංගල රැළිය අනුරාධපුරයේ දී පැවැත්වෙන්නේ තමන් නැතිව අනුරාධපුරයේ දේශපාලනය කර පෙන්වන ලෙස දැනට රනිල් වික්රමසිංහගේ දෑත් ශක්තිමත් කිරීම සඳහා ඔහු ලඟට ගිහින් සිටින පොහොට්ටුවේ අනුරාධපුර දිස්ත්රික් නායක එස්.එම්. චන්ද්රසේන අභියෝග කර ඇති පසුබිමක වීම විශේෂය.
එමෙන්ම මැතිවරණයෙන් පසු පොහොට්ටුවේ බලය තමන් විසින් අත් පත් කරගන්නා බවට ද ඔහු ප්රකාශ කර තිබිණි. පොහොට්ටුවේ පාර්ශවයෙන් පවසා තිබුණේ හැකිනම් බලය අල්ලා පෙන්වන ලෙසය.
ඊයේ අනුරාධපුරයේ දී මාධ්යයට අදහස් දැක්වූ ජොන්ස්ටන් ප්රනාන්දු මන්ත්රීවරයා කීවේ පොහොට්ටු පක්ෂයේ නායකයන් ජනාධිපතිවරයා සමඟ එක්වුවද ජනතාව ඉන්නේ පොහොට්ටුව සමග බවත්, බිම් මට්ටමින් ජනාධිපතිවරයාට සහය දැක්වීමට කටයුතු කළ සියලුම දෙනා නැවත පොහොට්ටුව සමඟ එක්ව ඇති බවත් ඔහු පෙන්වා දුන්නේය.
