බදු ගෙවීම පැහැර හැරීම සම්බන්ධයෙන් මාස හයක සිර දඬුවමක් විඳිමින් සිටින මෙන්ඩිස් සමාගමේ අධ්යක්ෂ අර්ජුන ඇලෝසියස් පසුගිය වකවානුවේ ඔහු විසින් ආරම්භ කර පත්වාගෙන ගිය ජන යුගය ප්රවෘත්ති පත්රය මුද්රණය කිරීම සඳහා කඩදාසි මිලදී ගෙන රුපියල් ලක්ෂ එකසිය විස්සක් පොලු තැබීම සම්බන්ධව චෝදනා කරමින් පුවත්පත් මුද්රණ කඩදාසි ආනයන සමාගමක්වන නිප්චූන් පේපර් පුද්ගලික සමාගම කොළඹ මහේස්ත්රාත් අධිකරණය හමුවේ නඩු පවරා ඇත.
අදාල සමාගම මෙම නඩුවේ විත්තිකරුවන් ලෙස අර්ජුන ඇලෝසියස් හා කඩතොට ගෙදර චමින්ද සහන් යන පුද්ගලයින් නම් කර ඇත.
මෙම නඩුව කොළඹ අතිරේක මහේස්ත්රාත් හර්ෂණ කැකුණුවල ඉදිරියේ කැඳවීය.
විත්තිකරුවන්ගේ බැංකු ගිණුමේ මුදල් නොමැති බව දැන දැනම 2019 වසරේ අවස්ථා හතරකදී චෙක්පත් හතරක් නිකුත් කරමින් රුපියල් මිලියන 12 ක් වංචා කිරීම හා සාපරාධී සාවද්ය පරිහරණය කිරීම ඇතුළු චෝදනා යටතේ මෙම නඩුව පවරා තිබේ.
බන්ධනාගාර අධිකාරිය මගින් අර්ජුන අලෝසියස් අධිකරණයට ඉදිරිපත් කර තිබූ අතර දෙවැනි විත්තිකරු අධිකරණයේ පෙනී නොසිටියේය.
පැමිණිල්ල වෙනුවෙන් නීතිඥ ධර්මතිලක ගමගේ ගේ උපදෙස් පරිදි නීතිඥ පාතිමා සුහරියා අධිකරණයේ කරුණු ඉදිරිපත් කළාය.
විත්තිකාර ඇලෝසියස් මහතා වෙනුවෙන් පෙනී සිටි නීතිඥවරයා කරුණු දක්වමින් නඩුව සම්බන්ධයෙන් අධ්යනය කරුණු ඉදිරිපත් කිරීම හා උපදෙස් ලබා ගැනීම සඳහා සාධාරණ කාලයක් ලබා දී විත්තිකරුට ඇප නියම කරන ලෙසට ඉල්ලා සිටියේය.
දෙපර්ශවයේ කරුණු සලකා බැලූ මහේස්ත්රාත්වරයා රුපියල් ලක්ෂ පහ බැගින් වූ ශරීර ඇප අටක් විත්තිකරුට නියම කළේය. අධිකරණයේ පෙනී නොසිටි දෙවැනි විත්තිකරුට මාර්තු මස 19 දින අධිකරණයේ පෙනී සිටින ලෙසට නොතීසි ද නිකුත් කළේය. (Lankadeepa)
