ජනාධිපතිවරණයට සූදානම් වීම සඳහා අගෝස්තු 15 වැනිදායින් පසු රට පුරා ආරක්ෂාව තර කරන බව මහජන ආරක්ෂක අමාත්යාංශය පවසයි.
පොලිස්පතිවරයා නොමැති අවස්ථාවක මහජන ආරක්ෂක අමාත්යාංශයේ ලේකම් වියානි ගුණතිලකට මැතිවරණයේ ආරක්ෂක විධිවිධාන අධීක්ෂණය කිරීමේ පූර්ණ බලය ලබාදී තිබේ.
මැතිවරණ කාලසීමාව තුළ සියලුම පොලිස් නියෝග, නිලධාරීන් යෙදවීම, සැපයුම් කටයුතු සහ මූල්ය කටයුතු ලේකම්වරයා විසින් කළමනාකරණය කරනු ලබන බවට සහතික වෙමින් ජනාධිපති ලේකම්වරයා විසින් මැතිවරණ කොමිෂන් සභාවට නිල වශයෙන් දැනුම් දී ඇත.
මැතිවරණ කටයුතු භාර ජ්යෙෂ්ඨ නියෝජ්ය පොලිස්පති අසංක කරවිටගේ උපදෙස් පරිදි සෑම පළාතකම ජ්යෙෂ්ඨ නියෝජ්ය පොලිස්පතිවරුන් සෑම දිස්ත්රික්කයකම ආරක්ෂක විධිවිධාන අධීක්ෂණය කරමින් සිටින බව ලේකම්වරයා උපුටා දක්වමින් ඩේලි මිරර් වාර්තා කරයි.
මේ අතර ජනාධිපතිවරණයට ඉදිරිපත් වන සියලුම අපේක්ෂකයින්ට තර්ජන තක්සේරු කර අවශ්ය ආරක්ෂාව සැපයීමට පියවර ගන්නා බවත්, ජනාධිපතිවරණයට නාමයෝජනා භාරදීම අවසන් වූ පසු ආරක්ෂක විධිවිධාන පිළිබඳව සාකච්ඡා කිරීම සඳහා සෑම අපේක්ෂකයෙකුටම සම්බන්ධීකාරකවරයෙකු පත් කරන බවත් මහජන ආරක්ෂක අමාත්යාංශ ලේකම්වරයා කියයි.
සඳුදා වන විට අපේක්ෂකයින් 16 දෙනෙකු ජනාධිපතිවරණය සඳහා ඇප මුදල් තැන්පත් කර ඇත.
ජනාධිපතිවරණ අපේක්ෂකයින්ගේ ආරක්ෂාව තහවුරු කිරීම සඳහා කැප වූ කමිටුවක් පත් කිරීමට ජනාධිපතිවරයා විසින් ඉදිරිපත් කරන ලද යෝජනාවකට අමාත්ය මණ්ඩල අනුමැතිය මින් පෙර ලැබිනි.
මෙම කමිටුවට සභාපති ලෙස මහජන ආරක්ෂක අමාත්යාංශයේ ලේකම් පත්කර ඇති අතර, ආරක්ෂක මාණ්ඩලික ප්රධානී, පොලිස්පති, ජාතික බුද්ධි ප්රධානී, සහ ජ්යෙෂ්ඨ නියෝජ්ය පොලිස්පති/මැතිවරණ ඇතුළත් වේ.
