ජනාධිපතිවරයා සහ ආණ්ඩුක්රම ව්යවස්ථා සභාව ව්යවස්ථාපිත රාජකාරි ඉටු කිරීම සම්බන්ධව පැහැදිලි කරමින් ජනාධිපති මාධ්ය අංශය නිවේදනයක් නිකුත් කර තිබේ.
පොලිස්පතිවරයා පත් කිරීම මුල් කරගෙන සිදුකර ඇති එම නිවේදනයේ දක්වා ඇත්තේ ආණ්ඩුක්රම ව්යවස්ථාවේ 4(ආ) වගන්තිය යටතේ ශ්රී ලංකා ජනරජයේ ජනාධිපතිවරයා ශ්රී ලංකාවේ රාජ්ය ආරක්ෂාව ඇතුළුව ජනතාවගේ විධායක බලය ක්රියාත්මක කරනු ලබන බවත්, ශ්රී ලංකාවේ රාජ්ය ආරක්ෂාවට අදාළ බලතල ක්රියාත්මක කිරීම සඳහා, විධායකයේ ප්රධානියා වශයෙන් ජනාධිපතිවරයා ආණ්ඩුක්රම ව්යවස්ථාවෙන් නියම කර ඇති ක්රියා පටිපාටියට අනුව සහ ජනාධිපතිවරයාගේ ව්යවස්ථාපිත කාර්යභාරයට අනුකූලව පොලිස්පතිවරයා ඇතුළු රජයේ ඉහළ තනතුරු සඳහා පත්කිරීම් සිදු කිරීමට ව්යවස්ථාපිතව බැඳී සිටින බවත් ය.