පේරාදෙණිය විශ්වවිද්යාලයේ ශාස්ත්රපීඨ පීඨාධිපති ප්රභාත් ඒකනායකගේ ජංගම දුරකථනයට පොලිස් මූලස්ථානයේ නියෝජ්ය පොලිස්පතිවරයෙක් ලෙස ව්යාජ ඇමතුමක් දී ඔහුව පොලිස් මූලස්ථානයට ගෙන්වීමට සැලසුම් කළ බවට පීඨාධිපතිරයා විසින් කළ පැමිණිල්ලකට අනුව පේරාදෙණිය පොලිිසිය විමර්ශනයක් ආරම්භ කර තිබේ.
පේරාදෙණිය පොලිසියේ දුරකථන රාජකාරියේ යෙදී සිටි කාන්තා පොලිස් නිලධාරිණිය අමතා තමන් පොලිස් මූලස්ථානයේ නියෝජ්ය පොලිස්පතිවරයෙක් බව කියමින් ශාස්ත්රපීඨ පීඨාධිපතිවරයාගේ පුද්ගලික දුරකථන අංකය ලබා ගෙන ඔහුට අමතා ඇති බවත් සියලුම ලියකියැවිලි භාර දී පොලිස් මූලස්ථානයට පැමිණ ප්රකාශයක් ලබා නොදුනහොත් අත් අඩංගුවට ගැනීමට සිදුවන බවත් එම දුරකථන ඇමතුවෙන් දන්වා සිටි බව පීඨාධිපතිවරයා ප්රකාශ කර ඇත.
පසුගිය 20 වැනි දින පීඨාධිපතිවරයා ගේ දුරකතනයට අදාළ අංකය මගින් පෙරවරු 11.00 ත් 11.46 ත් අතර ඇමතුම් 05 ක් ලබා ගෙන තිබුණ බැවින් 12.35 ට පමණ ඔහු මග හැරුණු ඇමතුමේ අංකය ට කතා කළ අවස්ථාවේ දි තමන් නියෝජ්ය පොලිස්පති චන්ද්ර කුමාර යැයි හඳුන්වා ගත් පුද්ගලයෙක් මෙම දැනුම් දීම සිදුකළ බව ඔහු කියයි.
එසැනින් මධ්යම පළාත් ජ්යෙෂ්ඨ නියෝජ්ය පොලිස්පතිවරයා දැනුවත් කිරීමට මහචාර්ය ප්රභාත් අත්තනායක පියවර ගෙන ගත් බවත්, අදාළ අංකය නියෝජ්ය පොලිස්පතිවරයෙකු භාවිත කරන්නක් නොවන බත් එහි දී ජ්යෙෂ්ඨ නියෝජ්ය පොලිස්පතිවරයා දැනුම් දුන් බව මහාචාර්යවරයා පවසයි.
ශාස්ත්ර පීඨ පීඨාධිපති ප්රභාත් අත්තනායක පොලිසියට කියන්නේ මෙම දුරකථන ඇමතුම මහා ශිෂ්ය සංගමයේ සභාපති විසින් ඔහුට ලබා දුන්නක් බවය.
මෙම පැමිණිල්ල සම්බන්ධයෙන් පේරාදෙණිය පොලීසිය විමර්ශනයක් ආරම්භ කරමින් අදාළ දුරකතන අංකය සම්බන්ධයෙන් වාර්තාවක් ලබා ගැනීම සඳහා අධිකරණයට කරුණු වාර්තා කිරීමට කටයුතු කර තිබේ.
කෙසේ වෙත්ත මෙම පීඨාධිපතිවරයා ශාස්ත්රඥයෙකුට නුසුදුසු අශිෂ්ට කුණුහරපයෙන් තමන්ගේ දරුවෙක් වැනි විශ්වවිද්යාල ශිෂ්ය නායකටයකුට බැණ තර්ජනය කරන ආකාරය හඬ පටයත් සමග සමාජ මාධ්ය ඔස්සේ ප්රචාරය වූ අතර මහා ශිෂ්ය සංගමයේ සභාපතිවරයා එම හඬ පටයද සමග ගොස් පොලිසියට පැමිණිල්ලක් කළේය.
පීඨාධිපතිවරයා මහා ශිෂය සංගමයේ සභාපතිවරයාට එරෙහිව මෙම පැමිණිල්ල ඉදිරිපත් කරන්නේ ඒ අතර තුරය.
