පැරසිටමෝල් ඇතුළු ඖෂධ වර්ග හැටක (60) උපරිම සිල්ලර මිල සංශෝධනය කරමින් සෞඛ්ය අමාත්යාංශය විසින් නව ගැසට් නිවේදනයක් නිකුත් කර තිබේ.
ඊයේ (16) නිකුත් කළ ගැසට් නිවේදනයට අනුව 2023 ජුනි 26 වැනිදා සිට ක්රියාත්මක වන පරිදි ඖෂධ මිල 16% කින් අඩු කර ඇත.
2019 ඖෂධ උපලේඛන (උපරිම මිල මත ) රෙගුලාසිවල දක්වා ඇති පරිදි සහ 2022 දී අවසන් වරට සංශෝධිත ඕනෑම උපලේඛනගත ඖෂධයක් උපරිම සිල්ලර මිලකට අලෙවි කරන නිෂ්පාදකයකු හෝ ආනයනකරුවෙකු එම ඖෂධය උපරිමයට වඩා වැඩි මිලකට අලෙවි නොකළ යුතු බව ගැසට් පත්රයේ සඳහන් වේ.
2019 ඖෂධ සඳහා වන උපලේඛන (මිල පිළිබඳ උපරිම අගය මත පදනම්ව) රෙගුලාසිවල දක්වා ඇති උපරිම සිල්ලර මිලට වඩා අඩු සංශෝධිත සිල්ලර මිලකට ඕනෑම උපලේඛනගත ඖෂධයක් අලෙවි කරන නිෂ්පාදකයෙකු හෝ ආනයනකරුවෙකු විසින් අවසන් වරට 2022 දී සංශෝධිත මිල ගණන් සමානුපාතිකව සියයට 16ක මි අඩු කිරීමක් කළ යුතුය.
සෑම වෙළෙන්දෙකුම, බෙදාහරින්නෙකු, ඖෂධවේදියෙකු, වෛද්ය වෘත්තිකයෙකු, දන්ත වෛද්යවරයෙකු, පශු වෛද්යවරයෙකු, පුද්ගලික වෛද්ය ආයතනයක් ඇතුළු වෛද්ය ආයතනයක්, ඔසුසලක් හෝ විකිණීම සඳහා උපලේඛනගත ඖෂධ සන්තකයේ තබාගෙන සිටින හෝ පුද්ගලයා විසින් උපලේඛනගත ඖෂධවල මිල පවත්වා ගත යුතුය.
