මනම්පිටිය නිමල් ජයරත්න –
පාස්කු ප්රහාරය සඳහා කාදිනල්වරයාට කලින් ජාත්යාන්තර පරීක්ෂණයක් අවශ්ය බව කීවේ තමන් යැයි හිටපු ජනාධිපති මෛත්රීපාල සිරිසේන කීවේය.
ඔහු මේ බව ප්රකාශ කළේ ඊයේ (19) පොලොන්නරුව අරලගංවිල, බෝගස්වැව සිරිපාලෙන් පුරාණ විහාරස්ථානයේ අභිනවයෙන් ඉදිකරනු ලැබූ චෛත්ය රාජයාණන් වහන්සේගේ කොත නිරාවරණය කිරීම හා චෛත්ය ගර්භයේ නිධන් වස්තු තැන්පත් කිරීමේ අවස්ථාවට සහභාගී වීමෙන් අනතුරුව මාධ්ය අමතමිනි.
හිටපු ජනාධිපතිවරයා මෙසේ ද පැවසුවේය.
පාස්කු ප්රහාරය සම්බන්ධයෙන් ජාත්යන්තර පරීක්ෂණයක් කරන්න කියලා කාදිනල්තුමාට කලින් අපියි ඉල්ලුවේ. දැන් එක්සත් ජාතීන්ගේ සංගමයත් කියලා තියෙනවා ජාත්යන්තර පරීක්ෂණයක් කරනවා කියලා. තවත් ලෝකයේ විවිධ සංවිධාන කියනවා මේ සම්බන්ධයෙන් ජාත්යන්තර පරීක්ෂණයක් අවශ්යයි කියලා.
මමත් එක්සත් ජාතීන්ගේ සංවිධානයේ ශ්රී ලංකාවේ නියෝජිතයාට ලබන සිකුරාදා ජාත්යන්තර පරීක්ෂණයක අවශ්යතාව පිලිබඳව දන්වනවා. ඒ වගේම පාර්ලිමේන්තුවේ මේ සතියේ විවාදයක් තියෙනවා. ඒ විවාදයේදීත් මම බලාපොරොත්තු වෙනවා මේ පිළිබඳ දැඩිව කතා කරන්න.
මේ අවුරුදු 04ක් තිස්සේ මාව නොමරා මැරුවා. ඒ නිසා මේ කරුණුවල සත්ය මොකක්ද කියලා හොයන්න මට අවශ්යයි . මේක මේ රටේ නිලධාරීන්ට භාරදීලා බෑ. නිළධාරීන් හොඳයි. නිළදාරීන්ට මේක නිවැරදිව කරන්න දේශපාලකයො දෙන්නෙ නෑ. ඒ නිසා, මේ සඳහා පිටස්තර නිරීක්ෂණ හා පරීක්ෂණ කණ්ඩායමක් තමයි අවශ්ය වෙන්නේ.” හිටපු ජනාධිපති වරයා කීවේය.
