යම් අයෙක් තමාව අපකීර්තියට පත්කිරීමට හෝ තම දේශපාලනය කෙරෙහි ඇති විශ්වාසය බිඳදැමීමේ අරමුණින් පාර්ලිමේන්තු වෙබ් අඩවියට ව්යාජ දත්ත ඇතුළත් කිරීමක් කළා දැයි සැක සහිත බව දන්වමින් අධිකරණ හා ජාතික ඒකාබද්ධතා අමාත්ය නීතිඥ හර්ෂණ නානායක්කාර මහතා අද (16) අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කළේය.
නීතිඥ හර්ෂණ නානායක්කාර නම ඉදිරියෙන් ආචාර්ය හර්ෂණ නානායක්කාර ලෙස දක්වා පාර්ලිමේන්තු නිල වෙබ් අඩවියේ පළ කර තිබී පසුව අමාත්යවරයා සිදුකළ පැමිණිල්ලක් මත එය නිවැරදි කිරීමත් සමග පසුගිය දා සමාජය තුළ මහත් ආන්දෝලනයක් ඇති කළ කථිකාවක් නිර්මාණය වූයේය. මෙහිදී පාර්ලිමේන්තු මහලේකම් කාර්යාලය විශේෂ ප්රකාශයක් කරමින් දන්වා සිටියේ එය උඩුගත කිරීමේ දී සිදුවූ වරදක් බවය. ඊට කණගාටුව ප්රකාශ කරමින් පාර්ලිමේන්තු මහ ලේකම් කාර්යාලය හර්ෂණ නානායක්කාර අමාත්යවරයා වෙත ලිපියක් එවා තිබිණි.
“මම අවුරුදු 25ක නීතිඥ කේෂ්ත්රයේ යෙදී සිටින නීතිඥවරයෙක්. මම කවදාවත් මගේ නම ඉදිරියෙන් ආචාර්ය කියලා සඳහන් කරලා නෑ. විසිටින් කාඩ් එකක්වත් ගහලා නෑ. මම පුරවපු ජීවදත්ත තොරතුරු පත්රිකාවෙත් මම පැහැදිලිව එය නිවැරදි කරලා තිබුණා. ආචාර්ය පදවියක් තිබුණේ නෑ. කොහෙන්ද මේක එන්නේ. සියල්ල සමස්තයක් ලෙස අරන් බලද්දි ඕනෑම කෙනෙකුට සැකයක් මතුවෙනවා මාව අපකීර්තියට පත්කරන්න එහෙම නැත්නම් මගේ දේශපාලනය ගැන තියෙන විශ්වාසය බිඳදැමීමට ව්යාජ දත්ත ඇතුළත් කරාදැයි සාධාරණ සැකයක් ඕන කෙනෙක් මතුවෙනවා.” අපරාධ පරීක්ෂණ දෙපාරත්මේන්තුවට ගොස් පැමිණිල්ලක් සටහන් කළ ඇමතිවරයා මාධ්යයට කීවේය. ඔහු කළ ප්රකාශය පහත දැක්වේ.
