6 වසර ඉංග්රීසි මොඩියුලයේ ඇති වූ ප්රශ්නගත තත්ත්වය උලුප්පා දක්වමින් සමස්ථ අධ්යාපන ප්රතිසංස්කරණ ක්රියාවලිය සම්බන්ධව අනවශ්ය බියක් ඇති නොකරන ලෙස අගමැතිනිය මෙන්ම අධ්යාපන ඇමතිනිය වූ ආචාර්ය හරිනි අමරසූරිය අද (06) පාර්ලිමේන්තුවේදී ඉල්ලා සිටියාය.
ඇය පැවසුවේ කිසිම දරුවෙක් වෙත ප්රශ්නගත මොඩියුලය හෝ වෙන කිසිම මොඩියුලයක් මේ වනතුරුත් නිකුත් වී නොමැති බවය.
පාර්ලිමේන්තුව අමතමින් ඇය මෙසේ ද පැවසුවාය.
එක මොඩියුලයක් පිළිබඳ ප්රශ්නයක් මතු වෙලා තියනවා 6 වසර ඉංග්රීසි මොඩියුලය පිළිබඳව. ඒක දැනගත් වහාම අපි විමර්ශනයක් ආරම්භ කළා. ඒ විමර්ශනයේ තියෙන තොරතුරු අනුව අපි ක්රියාමාර්ග ගනිමින් ඉන්නේ. ජාතික අධ්යාපන ආයතනය කියන්නේ වෙනම පනතකින් හැදුන ආයතනයක්. ඒ ආයතනයේ විධි විධාන ප්රකාරවමයි අපි ක්රියාත්මක වෙන්නේ. විනය පිළිබඳ බලය තියෙන්නේ ඒ ආයතනයේ කවුන්සිල් එකට. ඒ ආයතනය දැනුම්වත් කරමින් ඒ කවුන්සිල් එකේ සාකච්ඡා කරමින් තමයි මේ සියලුම ක්රියාමාර්ග අපට ගන්න වෙන්නේ.
ඒ නිසා නීත්යානුකූලව ක්රමවේදයන් අනුව තමයි අපි ක්රියාත්මක වෙමින් ඉන්නේ. කවුරුවත් කිසිම සැකයක් ඇතිකරගන්න ඕන නෑ. මේ සම්බන්ධව අපටත් හංගන්න කිසිම දෙයක් නෑ. අපටත් ඕන මේක විධිමත් කරගන්න.
වැරැද්දක් වෙලා නම් වැරැද්ද වුනේ කොහොමද ඒකට හේතුව මොකක්ද කියලා අපි හොයමින් ඉන්නවා. ඒ අනුව අපි එකින් එකට ක්රියාමාර්ග ගන්නවා.
මම මේ වෙලාවෙ කියන්න කැමතියි. ඒ පොත දරුවන්ට ගිහින් නෑ. ඒක හොයාගත්ත වහාම ඒ ක්රියාවලිය අත් හිටෙව්වා. විමර්ශනවල තොරතුරු අනුව දඬුවම් ලැබිය යුතු අයට දඬුවම් දෙමින් අපි ඉදිරියට යනවා.
අපි ඉල්ලා සිටින්නේ මේ ක්රියාදාමය තුළින් අධ්යාපන ප්රතිසංස්කරණය පිළිබඳ අනවශ්ය බියක් ඇති කරගත යුතු නෑ. දරුවන්ට පොත ලැබෙන්නේ 21 වැනිදා. පළමු වසරේ දරුවන්
