යෝජිත පළාත් පාලන මැතිවරණය සඳහා නාම යෝජනා කැඳවීමේ නිල දැන්වීම අද (04) සිට දිවයිනේ සියලුම පළාත් පාලන ආයතනවල ප්රසිද්ධ කරන බව මැතිවරණ කොමිසම දන්වයි.
ඒ අනුව පළාත් පාලන මැතිවරණය සඳහා නාමයෝජනා භාරගැනීම ජනවාරි 18 වැනිදා සිට 21 වැනිදා දක්වා සිදුකෙරෙනු ඇත. ජනවාරි 21 මධ්යාහන 12 දක්වා භාරගැනීම් සිදුකෙරේ.
2023 ජනවාරි 20 වැනි දින මධ්යහන 12 දක්වා බැඳුම්කර තැන්පත් කළ හැකි බව ද කොමිසම ප්රකාශ කරයි.
ඒ අනුව ගාල්ල දිස්ත්රික්කයේ ඇල්පිටිය ප්රාදේශීය සභාව හැර සෙසු සියලුම මහනගර සභා, නගර සභා සහ ප්රාදේශීය සභා යන පළාත් පාලන ආයතන සඳහා නගරාධිපති , නියෝජ්ය නගරාධිපති, සභාපතිවරයකු උප සභාපතිවරයකු ඇතුළු නියෝජිතයන් පත් කිරීම සඳහා පිළිගත් දේශපාලන පක්ෂවලින් නියෝජිතයන්ගෙන් නාමයෝජනා කැඳවීමට නියමිතය.
පළාත් පාලන ආයතන සඳහා සභිකයින් මාර්තු 20 වැනි දිනට පත් කළ යුතු අතර ඒ සඳහා 2023 මාර්තු 10 වැනිදාට පෙර මැතිවරණ පැවැත්විය යුතුය.
අදාල ගැසට් නිවේදනය ඉදිරියේ ඇති දිගුවෙ දැක්වේ – ගැසට් පත්රය
