පසුගිය රාජ්ය පාලනය තුළ ශ්රි ලංකාව ආර්ථිකය සම්බන්ධයෙන් අනුගමනය කළ ක්රමෝපාය මොට මෙන්ම ම්ලේච්ඡ එකක් බව ජාත්යන්තර මූල්ය අරමුදලේ ශ්රී ලංකා දූත කණ්ඩායමේ ජ්යෙෂ්ඨ දූත ප්රධානී පීටර් බවර් පවසයි.
ඊයේ පැවති මාධ්ය හමුවකට සහභාගී වෙමින් ඔහු තවදුරටත් සඳහන් කළේ ශ්රී ලංකාව කළ ම්ලේච්ඡ අත්හදාබැලීම හේතුවෙන් රටේ ජනතාව දැඩි අසීරුතාවකට පත් වූ නමුත් එහිදී සිදුවූ කප්පාදුවලට ජාත්යන්තර මූල්ය අරමුදලේ කිසිදු සම්බන්ධතාවක් නොමැති බවය.
මෙහිදී තවදුරටත් අදහස් දක්වමින් ඔහු පවසා සිටියේ රටේ ආර්ථිකය සම්බන්ධයෙන් සිදුවූ ක්රියාදාමය තුළ ජනතාව විඳි අපහසුතා සහ කප්පාදුවලට මූල්ය අරමුදල වගකිව යුතු බවට වැරදි මතයක් පවතින බවත් මූල්ය අරමුදලේ උත්සාහය මෙරට ජනතාව විඳින පීඩනය අවම කිරීම බව සඳහන් කළේය. එසේ වුවද ඒ සඳහා ගත යුතු මාර්ගය ඉතා දුෂ්කර එකක් වනු ඇති බව ද පීටර් බවර් තවදුරටත් ප්රකාශ කළේය.
මේ මොහොතේ ශ්රි ලංකාවේ පවතින මූල්යමය හිඩැස ආවරණය කිරීමට කිසිවකු සූදානම් නැති නිසා පවතින ගැලපීම් ඉතා නීරස විය හැකි බව ද පැවසීය. . රජයට තම ආදායම ඉතා ඉක්මනින් ඉහළ නංවා ගත යුතු අතර, උද්ධමනය අවුලුවාලන මුදල් මුද්රණය කිරීමට ශ්රී ලංකා මහ බැංකුව කටයුතු කිරීම ශ්රි ලංකාව භාවිත කළ මොට්ටම මෙවලමක් බව සඳහන් කළ අතර එය දුප්පතුන්ට විශේෂයෙන් අයහපත් තත්ත්වයක් නිර්මාණය කළ බව පෙන්වා දුන්නේය.
“පසුගිය කාලයේ ශ්රි ලංකාවට කිසිදු බාහිර සහයෝගයක් තිබුණේ නෑ. ආර්ථිකය එක සමතුලිතතාවයකින් අනෙක් සමතුලිතතාවයට ගැලපීමට සිදුවීම කෙතරම් ම්ලේච්ඡ අත්හදා බැලීමක්ද යන්න එයින් පෙන්නුම් කළා. රජයේ වියදම් සහ ආදායම් අතර විශාල පරතරයක් නිර්මාණය වුණා. මේ පරතරයට මුදල් සැපයීමට කිසිවකු කැමති වුණේ නෑ. නමුත් අද සිට මේ ක්රියාදාමය ආරම්භ වනවා.”
ජාත්යන්තර මූල්ය අරමුදල ඩොලර් බිලියන 2.9ක ණය පහසුකම ලබා දීමත් සමඟ කාරණා දෙකක් පිළිබඳව විශේෂයෙන් අවධානය යොමු කරනවා. පළමුව එය මෙම අසමතුලිතතා නිවැරදි කිරීමට බලධාරීන්ට ඔවුන්ගේ ප්රතිපත්ති සකස් කිරීමට සහාය වනවා.
අනෙකුත් ද්විපාර්ශ්වික ණය හිමියන්ගේ අතිරේක සහාය උත්ප්රේරණය කිරීමෙන් මෙම පවතින අපහසුතාව ටිකෙන් ටික අඩුවේවි “ ජාත්යන්තර මූල්ය අරමුදල් ශ්රි ලංකා දූත කණ්ඩායමේ ප්රධානියා පවසයි.
