මැදපෙරදිග පවතින යුදමය වාතාවරණය හේතුවෙන් ගෝලීය ඉන්ධන සැපයුම් මාර්ග අඩාල වීමත්, දේශීය ඉන්ධන ඉල්ලුම ඉහළ යාමත් සැලකිල්ලට ගනිමින්, පවතින ඉන්ධන සංචිත කළමනාකරණය සඳහා නැවතත් QR කේත ක්රමය (National Fuel Pass) හඳුන්වා දීමට රජය තීරණය කර ඇත.
බලශක්ති අමාත්යාංශය නිවේදනය කරන පරිදි, 2026 මාර්තු 15 වන දින උදෑසන 06.00 සිට දිවයින පුරා පිහිටි සියලුම පිරවුම්හල්වලින් ඉන්ධන ලබා ගැනීමේදී මෙම QR කේතය අනිවාර්ය වේ.
-
QR කේතය ලබාගන්නා ආකාරය
ඔබගේ වාහනය සඳහා වන QR කේතය fuelpass.gov.lk වෙබ් අඩවිය හරහා ලබාගත හැකිය. ලියාපදිංචි වීමේ ක්රියාවලිය පහත පරිදි වේ:
1. මීට පෙර ලියාපදිංචි වූ අය සඳහා:
-
හිමිකාරිත්වය/දුරකථන අංකය වෙනස් වී නොමැති නම්: මාර්තු 14 මධ්යම රාත්රියේ සිට වෙබ් අඩවියට පිවිස පවතින QR කේතය නැවත භාගත (Download) කරගත හැක.
-
හිමිකාරිත්වය හෝ දුරකථන අංකය වෙනස් වී ඇති නම්: මුහුණ දෙන ගැටලු හදුනාගෙන ඒවා හැකි ඉක්මනින් නිරාකරණය කිරීමට කටයුතු කරමින් පවතී.
2. නව ලියාපදිංචි කිරීම්:
-
වාහන හෝ දුරකථන අංක වෙනස් වී ඇති අයත්, අලුතින් වාහන මිලදී ගත් අයත් මුහුණ දෙන ගැටලු හදුනාගෙන ඒවා හැකි ඉක්මනින් නිරාකරණය කිරීමට කටයුතු කරමින් පවතී.
3. අත්යාවශ්ය සේවා සහ කෘෂිකාර්මික කටයුතු
- එමෙන්ම අත්යවශ්ය සේවාවන්ට, කෘෂිකර්ම කටයුතුවලට ඉන්ධන සැපයීම ඇතුළු විශේෂිත ගැටලු සම්බන්ධයෙන් සවස් වරුවේ තීරණ ගෙන අද දිනය(15) තුළම ඒවාට විසඳුම් ලබාදීමට කටයුතු කරනු ඇත.
සතියකට ඉන්ධන බෙදා හරින ප්රමාණ සහ වාහන පන්තිය
- බස් රථ- ලීටර් 60
- මෝටර් සයිකල් – ලීටර් 05
- වෑන් රථ – ලීටර් 40
- මෝටර් රථ – ලීටර් 15
- මෝටර් ලොරි – ලීටර් 200
- ඉඩම් වාහන – ලීටර් 25
- මෝටර් ත්රීරෝද රථ- ලීටර් 15
- විශේෂ කාර්ය වාහන- ලීටර් 40
- ක්වොඩ්රිසයිකල් – ලීටර් 5
එමෙන්ම පුද්ගලික මගී ප්රවාහන බස් රථ සඳහා ශ්රී ලංකා ගමනාගමන මණ්ඩලය මගින් ඉන්ධන නිකුත් කරන බවද බලශක්ති අමාත්යාංශය සඳහන් කළේය.
