ෙනා උයනේ සිදුවූ හදිසි අනතුරින් අපවත්වී වදාල ස්වාමීන්වහන්සේලා හත් නමගෙන් විදේීශීය හිමිවරුන් තුන්දෙනා වහන්සේගේ ආදාහන කටයුතු ද ශ්රී ලංකාව තුළම සිදුකිරීමට මේ වනවිට කටයුතු සම්පාදනය වෙමින් තිබේ.
බුද්ධශාසන සහ ආගමික කටයුතු අමාත්ය ආචාර්ය හිනිදුම සුනිල් සෙනවි පාර්ලිමේන්තුවට පැවසුවේ නාවිමන ථේරවාද බෞද්ධ මධ්යස්ථානයේ අධිපති පූජ්ය අඟුල්ගමුවේ අරියනන්ද නායක හිමිපාණන්වහන්සේ විසින් අපවත්වී වදාල විදේශීය ස්වාමීන්වහන්සේලා තුන්නමගේ ආදාහන පූජෝත්සවය ලංකාව තුළම සිදුකරන්නට අවස්ථාව සලසා දෙන ලෙස ඉල්ලා ඇති බවය.
ඒ සම්බන්ධව නියෝජ්ය විදේශ අමත්ය අරුන් ප්රේමචන්ද්ර අදාල තානාපති කාර්යාල සමග සම්බන්ධ වී කටයුතු සම්පාදනය කිරීමේ වගකීම බාර ගෙන ඇතැයි ඇමතිවරයා පැවසුවේය.
ඇමතිවරයා මෙසේ ද කීවේය.
අපවත් වී වදාළ හත් දෙනා වහන්සේලාගෙන් හතර නමක් ශ්රී ලාංකික භික්ෂූන් වහන්සේලා. තුන් නමක් විදේශීය ස්වාමීන්වහන්සේලා.
පූජ්ය මල්වානේගම සමිද්ධි හිමි, පූජ්ය නාවලපිටියේ උත්තරානන්ද හිමි, පූජ්ය නුගේගොඩ විපස්සී හිමි, පූජ්ය උඩවලවේ ශාන්ත සුමන හිමි කියන අපේ රටේ ස්වාමීන්වහන්සේලා සිවු නමක් මෙලෙස අපවත් වී තිබෙනවා
එමෙන්ම රුමේනියානු ජාතික ධම්මරන්සී ස්වාමීන්වහන්සේ, රුසියානු ජාතික පූජ්ය ධම්මරඛිත ස්වාමීන්වහන්සේ, ඉන්දියානු ජාතික ධම්මගවේසී ස්වාමීන්වහන්සේ කියන විදේශික ස්වාමින්වහන්සේත් අපවත් වෙලා තියනවා. මේ සියලු දෙනාවහන්සේ ගේ අපවත්වීම වෙනුවෙන් අපේ බලවත් ශෝකය සංවේගය පල කරනවා.
අතිපූජ්ය අඟුල්ගමුවේ ආරියනන්ද මහා තෙරුන්වහන්සේ තමයි නා උයන ථේරවාද බෞද්ධ මධ්යස්ථානයේ අධිපතිත්වය දරන්නේ. නා උයනේ නායක හාමුදුරුවො විදේශකටයුතු ලේකම්තුමාගෙන් විමසලා තියනවා විදේශීය භික්ෂූන්වහන්සේ ගේ ආදාහන පූජෝත්සවය අපේ රටේම පවත්වන්න මගපෙන්වීම් කරන්න කියලා.
අද රාත්රී 7ට ආදාහන පූජෝත්සවය සම්බන්ධ කමිටුවක් රැස් වෙනවා. එහිදී අපෙගේ සභාගී වෙනවා. ඒ සම්බන්ධව අතිය ගෞරව පූර්වකව රජය හැටියට කරන්න හැකි ඉහළම මැදිහත්වීම කරන්න අපි කටයුතු කරනවා. අපවත්වී වදාල සියලු දෙනා වහන්සේ වෙනුවෙන් නැවත වරක් ශෝකය සංවේගය පල කරනවා.
ඒ වගේම අනතුරට ලක් වෙලා ප්රතිකාර ලබමින් සිටින ගරුතර ස්වාමීන්වහන්සේට ඉක්මන් සුවය ප්රාර්ථනා කරනවා.”
ඇමතිවරයා පැවසුවේය. එමෙන්ම හෙතම පාර්ලිමේන්තුවට දැනුම් දුන්නේ දැනට ප්රතිකාර ලබමින් සිටිනා හිමිවරු හය නමකගෙන් දෙනමක් දැඩි සත්කාර ඒකකයේ පතිකාර ගනිමින් සිටින බවය.
