VAT බද්ද සහ සමාජ ආරක්ෂණ දායකත්ව බද්ද ලියාපදිංචි කිරීමේ සීමාව අඩු කිරීමට රජය ඉදිරිපත් කළ යෝජනාවත් සමඟ, රුපියල් බිලියන 150කට වැඩි ආදායමක් ඉලක්ක කර ගනිමින් නව බදු ලිපිගොනු 25,000 සිට 30,000 දක්වා ප්රමාණයක් විවෘත කිරීමට අපේක්ෂා කෙරේ.
2026 අයවැය මඟින් VAT සහ සමාජ ආරක්ෂණ දායකත්ව බද්දේ වාර්ෂික සීමාවන් රුපියල් මිලියන 60 සිට රුපියල් මිලියන 36 දක්වා අඩු කිරීමට යෝජනා කර ඇත.
අනෙක් අතට, බදු ජාලය යටතේ සිල්ලර බඩු සාප්පු ඇතුළු කුඩා හා මධ්ය පරිමාණ ව්යාපාර ආයතනවලට දිනකට සාමාන්ය පිරිවැටුම රුපියල් 100,000 ක් නම් බදු සඳහා ලියාපදිංචි වීමට දැන් බල කෙරෙනු ඇති අතර, බදු බර පාරිභෝගිකයින් මතට මාරු කිරීමට ඉඩ තිබේ.
පාර්ලිමේන්තුවේදී සම්මත වූ පසු, ලබන වසරේ අප්රේල් 1 වන දින සිට මෙම නව බදු ක්රමය ක්රියාත්මක වනු ඇත.
දේශීය ආදායම් දෙපාර්තමේන්තුවේ ජ්යෙෂ්ඨ නිලධාරියෙක් උපුටා දක්වමින් සන්ඩේ ටයිම්ස් වාර්තා කරන්නේ පාරිභෝගිකයින්ට බද්ද පැවරීමට අපේක්ෂා නොකළත් එය වෙළඳුන් විසින් එය පාරිභෝගිකයා මත පැටවීම නොවැළැක්විය හැකි බවයි.
පසුගිය වසරේ දේශියය ආදායම් දෙපාර්තමේන්තුවේ ඉලක්කය රුපියල් බිලියන 2,085 ක් වූ බවත්, මේ වන විට එම ඉලක්කයෙන් සියයට 88 ක් සපුරා ඇති අතර නියමිත ඉලක්ක ඉක්මවා යා හැකි බවට අපේක්ෂා කරන බවත් සන්ඩේ ටයිම්ස් වෙත එම නිලධාරියා ප්රකාශ කර තිබේ.
ඉලක්ක කරගත් අංශ අතර කුඩා පරිමාණ හෝටල් ද ඇති බව ඔහු පැවසීය.
දේශිය ආදායම් දෙපාර්තමේන්තුවේ මාණ්ඩලික නිලධාරීන්ගේ සංගමයේ ලේකම් ද වන ජ්යෙෂ්ඨ නියෝජ්ය කොමසාරිස් ජේ.ටී. චන්දන පැවසුවේ සීමාව අඩු කිරීමට එක් හේතුවක් වූයේ ප්රධාන ව්යාපාරය ලියාපදිංචි කිරීම් දෙකක් හරහා කිරීමෙන් සමහර සමාගම් විසින් සිදු කරන ලද බදු පැහැර හැරීම් සම්බන්ධයෙන් කටයුතු කිරීමට බවය. .
සමාජ ආරක්ෂණ බද්ද ගෙවීම පැහැර හරින වාහන ආනයනකරුවන්ට ද නව බදු පියවර යටතේ බද්ද ගෙවීමට සිදුවන බව ඔහු පැවසීය.
මේ අතර, දේශීය ආදායම් දෙපාර්තමේන්තුවේ හිටපු නියෝජ්ය කොමසාරිස් ජෙනරාල් එන්.එම්.එම්. මිෆ්ලි සන්ඩේ ටයිම්ස් පුවත්පතට පවසා ඇත්තේ කුඩා හා මධ්ය පරිමාණ ව්යවසායන් බදු ජාලය යටතට ගෙන ඒම සඳහා සීමාව අඩු කිරීම අසාධාරණ බවය. මන්ද බොහෝ සිල්ලර වෙළෙන්දන් වැට් ලියාපදිංචි ආනයනකරුවන් සහ නිෂ්පාදකයින්ගෙන් භාණ්ඩ මිලදී ගන්නා බව ඔහු පෙන්වා දෙයි.
“බදුකරණය සම්බන්ධයෙන් සාධාරණත්වය ඉතා වැදගත්. බදු ගෙවන්නන්ට බර දරා ගැනීමට ඇති හැකියාව අප සලකා බැලිය යුතුයි,” ඔහු අවධාරණය කළේය. ( සන්ඩේ ටයිම්ස් )
