ශ්රියානි විජේසිංහ –
නව අධ්යාපන ප්රතිසංස්කරණ ප්රතිපත්ති රාමුව අධ්යාපන කොමිෂන් සභාවේ අනුමැතියකින් තොරව ජනාධිපති ලේකම් කාර්යාලයේ නිලධාරීන් පිරිසක් විසින් සකස් කර ඇතැයි විශ්ව විද්යාල අචාර්යවරුන්ගේ සමිති සම්මේලනයේ ලේකම් ජ්යෙෂ්ඨ කථිකාචාර්යය චාරුදත්ත ඉලංගසිංහ සඳහන් කරයි.
අධ්යාපන ක්ෂේත්ර යේ කිසිදු වගකිවයුතු පාර්ශ්වයකගේ අදහස් ලබා ගැනීමකින් තොරව අවම වශයෙන් කිසිදු සාකච්ඡාවක් හෝ නොපවත්වා මෙම නව කෙටුම්පත සකස් කර ඇති බව හෙතෙම පෙන්වාදේ.
මෙම ප්රතිසංස්කරණ කෙටුම්පත අධ්යාපන අමාත්යංශ ලේකම්වරියගේ අත්සනින් යුතුව චක්ර ලේඛණයක් ලෙස පිට වුවහොත් එය අධ්යාපන ක්ෂේත්රය තුළ ගැටලු ගණනාවක් නිර්මාණය කරන්නක් බවද කථිකාචාර්යවරයා සඳහන් කරයි.
මෙහිදී සාමාන්ය පෙළ දරුවන්ගේ විභාගය ගැන සඳහන් කළද එම දරුවා උසස් පෙළ හැදෑරීමේදී මෙම ප්රතිසංස්කරණයන් තුළ කිසිදු සඳහනක් කර නොමැති බවත් ඒ පිලිබඳව රාමුව සකස් කළ නිලධාරින්ට පවා අවබෝධයක් නොමැති බව පසුගිය දිනක පැවැත් වූ සාකඡ්ඡාවකදී තහවුරු වුන බවත් ලේකම්වරයා පවසා සිටියි.
සාමාන්ය පෙළ දරුවන් විෂයන් 14ක් ඉගෙන ගත යුතු බවත් ඉන් විෂයන් 7ක් සඳහා විභාග දෙපාර්තමේන්තුව මගින් ජාතික තලයේ විභාගයන් පවත්වන නමුත් අනෙක් විෂයන් 7 ට විභාග දෙපාර්තමේන්තුව වග නොකියන බවත් එම විෂයන් 7 පාසල් මට්ටමින් සහ දරුවන්ගේ ස්වෝත්සහයෙන් කර ගත යුතු බවත් නව අධ්යාපන ප්රතිසංස්කරණය තුළ සඳහන් ඇති බවත් ලේකම්වරයා වැඩිදුරටත් පෙන්වා දෙයි.
