මුදල් විශුද්ධිකරණය වැළැක්වීමේ පනත යටතේ හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂට සහ ඔහුගේ මිත්තනියවන ඩේසි ෆොරස්ට් යන අයට එරෙහිව ඇති නඩුව අප්රේල් 24 යළි කැඳවීමට කොළඹ මහාධිකරණ අද නියෝග කළේය.
කොළඹ මහාධිකරණ විනිසුරු රෂ්මි සිංගප්පුලි හමුවේ අද (09) මෙම නඩුව කැඳවනු ලැබුවේය.
රජයේ අධිනීතිඥ ඔස්වල් පෙරේරා අධිකරණයට දන්වා තිබුණේ දෙවැනි විත්තිකාරිය නඩු කටයුත්තකට මුහුණ දිය හැකි මට්ටමේ මානසික තත්ත්වයකින් පසුවනවා ද යන්න කොළඹ අධිකරණ වෛද්ය නිලධාරියා මාර්ගයෙන් කැඳවා ඇති විශේෂ වෛද්ය වාර්තාව තවමත් ලැබී නොමැති බවය.
එබැවින් අදාල වෛද්ය වාර්තාව කැඳවනතුරු නඩුව කැඳවීමට දිනයක් ලබා දෙන ලෙස රජයේ අධි නීතිඥවරයා අධිකරණයෙන් ඉල්ලා සිටියේය.
කරුණු සලකා බැලූ විනිසුරුවරයා නඩුව අප්රේල් 24 වැනිදා නැවත කැඳවීමට නියෝග කළේය.
2009 වසරේ මාර්තු 31 වැනිදා සහ 2013 වසරේ දෙසැම්බර් 12 වැනිදා අතර කාලසීමාව තුළ උපයා ගත් ආකාරය සනාථ කිරීමට නොහැකි රුපියල් මිලියන 59ක මුදලක් පෞද්ගලික බැංකු ගිනුම් තුනක ස්ථාවර තැන්පතු ගිනුම්වල තැන්පත් කිරීමෙන් මුදල් විශුද්ධිකරණය වැලැක්වීමේ පනත යටතේ ගැනෙන වරදක් සිදුකළේ යැයි චෝදනා කරමින් විත්තිකරුවන්ට එරෙහිව මෙම නඩුව ගොනු කර තිබිණි.
නීතිපතිවරයා මෙම විත්තිකරුවන්ට නඩු පවරා තිබුණේ චෝදනා තුනක් යටතේය
