සුළි කුණාටු තත්ත්වයක් පිළිබඳ කාලගුණ විද්යා දෙපාර්තමේන්තුව අනතුරු අඟවයි.
ඊයේ (26) දින පස්වරු 11.30 පමණ වන විට ත්රිකුණාමලයට කිලෝමීටර් 190 ක් පමණ ගිනිකොන දෙසින් පිහිටා තිබුණු නිරිත දිග බෙංගාල බොක්ක ප්රදේශයේ පවතින ගැඹුරු පීඩන අවපාතය 2024 දිවයිනේ නැගෙනහිර වෙරළට ආසන්නව උතුරට බරව වයඹ දෙසට ගමන් කරමින් අද දින (නොවැම්බර් 27) සුළි කුණාටුවක් දක්වා තවදුරටත් තීව්ර වීම සම්බන්ධව කාලගුණ විද්යා දෙපාර්තමේන්තුව පුරෝකථනය කර තිබේ.
දිවයිනේ උතුරු, උතුරු-මැද, සහ නැගෙනහිර පළාතේත් පුත්තලම දිස්ත්රික්කයේ ඇතැම් ස්ථානවලටත් මිලි මීටර 200 ඉක්ම වූ ඉතා අධික වර්ෂාවක් ඇති විය හැකි බව එම දෙපාර්තමේන්තුව පවසයි. මධ්යම,බස්නාහිර සබරගමුව පළාතේ කෑගල්ල දිස්ත්රික්කයේ ඇතැම් ස්ථානවලට මි.මී.150 ට වැඩි ඉතා තද වැසි සම්බන්ධව අනතුරු අඟවා ඇත.
උතුරු පලාතේ මුලතිව්, යාපනය, වවුනියාව, මන්නාරම. කිළිනොච්චිචි දිස්ත්රික්ක සඳහාත් උතුරුමැද, පළාතේ පොලොන්නරුව, ත්රී කුණාමලය, වයඹ පලාතේ කුරුණැගල, පුත්තලම, දිස්ත්රික්ක සඳහාත් මධ්යම පලාතේ මාතලය දිස්ත්රික්කය සඳහාත් තද වැසි සම්බන්ධව අධි අවදානම් නිවේදනයක් නිකුත් කර තිබේ.
දිවයිනේ සෙසු ප්රදේශවලත් විටින් විට වැසි ඇතිවේ. ඇතැම් ස්ථානවලට මි.මී.75 ට වැඩි තරමක තද වැසි ද ඇතිවිය හැක.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාතෙමේන්තුව ජනතාවගෙන් ඉල්ලා සිටී.
මහා සුළඟක්…
උතුරු, උතුරුමැද , මධ්යම, බස්නාහිර, වයඹ, දකුණ සහ නැගෙනහිර පළාත්වල ද විටින් විට හමන තද සුළං පිළිබඳව ද කාලගුණ විද්යා දෙපාර්තමේන්තුව අනතුරු අඟවා ඇත.
පැයට කිලෝමිටර 70ක සීමාවට නැග එන තද සුළං පිළිබඳව රතු නිවේදනයක් අද දින තුළ උතුරු උතුරුමැද නැගෙනහිර, සබරගමුව, බස්නාහිර, දකුණ වයඹ, පළාත්වෙත නිකුක් කර තිබේ.
දිවයින වටාවන ගැඹුරු නොවන සහ ගැඹුරු මුහුදු කලාපයේ සුළඟේ වේගය ක්ෂණිකව පැයට කිලෝ මීටර 70 දක්වා ඉහළ යෑමේ අවදානමක් ගැන ද දෙපාර්තමේන්තුව පවසයි. මඩකලපුව ත්රිකුණාමලය හරහා කන්කසන්තුර කලාපයේ මුහුදු රළ මිටර 2.5- 3 දක්වා ඉහළට යා හැකි බව ද එම නිවේදනයේ දැක්වේ.
මෙම පද්ධතියේ බලපෑම හේතුවෙන් දිවයින පුරා බොහෝ ප්රදේශවල අහස වලාකුළින් බරව පවතී. දිවයිනේ වැඩිමනත් ප්රදේශවලට පොදුවේ මි.මී.75 ට වැඩි තරමක තද වැසි ද ඇතිවිය හැක.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාතෙමේන්තුව ජනතාවගෙන් ඉල්ලා සිටී.
