දිනසේන රතුගමගේ –
ඉලංකෙයි තමිල් අරුසු කච්චි පක්ෂය ජනාධිපතිවරණය සඳහා පොදු අපේක්ෂකයෙකු ඉදිරිපත් කිරීමේ උත්සාහයට අනුබල නොදෙන බවත් එවැනි අපේක්ෂකයෙකුට සහය පල කිරීමක් නොකරණ බවත් ප්රකාශ කරයි.
එම පක්ෂයේ නායක පාර්ලිමේන්තු මන්ත්රී එස්. ශ්රීධරන් අද (30) කිළිනොච්චියේ දී පැවසුවේ දෙමළ ජනතාවගේ අයිතීන් සුරකින අයෙකුට සහය දීමට තම පක්ෂය තීරණය කර ඇති බවය.
කිළිනොච්චියේදී මාධ්ය හමුවකට එක්වෙමින් ශ්රී ධරන් මන්ත්රීවරයා ප්රකාශ කළේ ජනාධිපතිවරණයට දෙමළ පොදු අපේක්ෂකයෙකු ඉදිරිපත් කිරීමෙන් පසුව දෙමළ ජනතාවට වර්ථමානයේදී ලැබෙන සැලකිලි පවා අහිමි වී යන බවය.
මේ නිසා මෙවර ජනාධිපතිවරණයට ප්රධාන දේශපලන පක්ෂවලින් නාම යෝජනා ලබා දෙන අපේක්ෂකයින් සමග සාකච්ඡා කොට ඔවුන් අතරින් දෙමළ ජනතාව පිළිගන්නා පෙඩරල් ක්රමයට සමාන පාලන බලයක් හා දෙමළ ජනතාවගේ අයිතිවාසිකම් සුරැකීමට පොරොන්වන අපේක්ෂකයාට සහය ලබා දෙන බවත් කියා සිටියේය.
වර්ථමාන ජනාධිපති රනිල් වික්රමසිංහට සහය ලබා දීමට යම් අපේක්ෂාවක් ඇත්දැයි මාධ්යවේදියෙකු ශ්රී ධරන් මන්ත්රීවරයාගෙන් විමසූ විට ඔහු කියා සිටියේ තවමත් ඔහු දෙමළ ජනයාගේ ඉල්ලීම්වලට ඇහුම්කන් දීම තම පක්ෂය විසින් අගය කොට සලකන බවය.
රනිල් වික්රමසිංහ ජනාධිපතිවරයාට තම පක්ෂය සහය ලබා දෙන්නේ යැයි ප්රකාශ කිරීමට තවමත් වේලාසන වැඩි යැයිද ඔහු සඳහන් කළේය.
අගෝස්තු මස 10 හා 11 යන දිනවලදී ඉලංකෙයි තමිල් අරුසු කච්චි පක්ෂයේ මධ්යම කාරක සභා රැස්වීම් පැවැත්වෙන බවත් එහිදී පක්ෂය සහය ලබා දෙන අපේක්ෂකයා ගැන තීන්දුවක් ගන්නා බවත්, එම මධ්යම කාරක සභා රස්වීවලින් අනතුරුව පක්ෂයේ මතවාදය ප්රකාශ කරණ බවත් ඔහු මෙහිදී වැඩිදුරටත් ප්රකාශ කළේය.
