සූරියවැව නුවන් ජයසේකර –
පුද්ගලික උපකාරක පංති වලට යන සිසුන් ඉලක්ක කර හෙරොයින් අලෙවි කිරීමේ ජාවාරමක නිරත වු සැකකරුවන් 05 දෙනෙකු මොණරාගල මුලස්ථාන පොලිසියේ පොලිස් නිළධාරීන් කණ්ඩායමක් විසින් ඊයේ ( 01 ) සවස අත්අඩංගුවට ගෙන තිබේ.
උපකාරක පන්ති යන දරුවන් ඉලක්ක කරගෙන හෙරොයින් අලෙවි කිරිමේ ජාවාරමක් මොනරාගල නගරය ආශ්රිතව සිදුවන බවට ලද තොරතුරකට අනුව මොණරාගල මූලස්ථාන පොලිසියේ නිළධාරීන් කණ්ඩායමක් ලෝක ළමා දිනය දා විශේෂ සිදුකළ වැටලීමක දී මේ අත් අඩංගුවට ගැනීම සිදුකර තිබේ.
එහිදී මොණරාගල නගරයේදී හෙරොයින් ග්රෑම් 10යි මිලි ග්රෑම් 250ක් සමග 28 හැවිරිදි තරුණයෙකු අත් අඩංගුවට ගැණුනු අතර පොලිස් නිළධාරීන් ඔහුගෙන් සිදුකල ප්රශ්න කිරිමේදි ලද තොරතුර වලට අනුව තවත් සැකකරුවන් සිව් දෙනෙකු හෙරොයින් මිලි ග්රෑම් 2500 ක් ,මිලි ග්රෑම් 250ක්, මිලි ග්රෑම් 80ක් හා මිලි ග්රැම් 120ක් සමග මොණරාගල නගරයේදි අත්අඩංගුවට ගෙන තිබේ.
අත්අඩංගුවට පත් සැකකරුවන් අවුරුදු 28ත් 43ත් වයස් වල පසුවන මොණරාගල ප්රදේශයේම පදිංචි සැකකරුවන් බවත් පොලිසිය පවසයි.
සැකකරුවන් මොණරාගල මහේත්රාත් අධිකරණයට ඉදිරිපත් කිරිමට නියමිත අතර මොණරාගල පොලිස් ස්ථානාධිපති ප්රධාන පොලිස් පරික්ෂක ප්රියන්ත ප්රේමතිලකගේ උපදෙස් පරිදි වැඩිදුර විමර්ශන පවත්වයි.
