වෛද්ය නීතිඥ පාලිත බණ්ඩාර සුබසිංහ – ජාතික රෝහල, මහනුවර –
වර්තමාන කොවිඩ් වසංගතය හේතුවෙන් මුළු ලෝකයේ මෙන්ම අප රටේ ද ජන ජීවිතය බෙහෙවින් අඩාල වෙලා තියෙනවා තියෙනවා. මෙම වසංගතය තව වසර කිහිපයක් යනතුරු පවතින නිසා ,රටේ එදිනෙදා කටයුතු යම් තරමින් හෝ සාමාන්ය තත්ත්වයට පත් කිරීම සඳහා කෙටිකාලීන සහ දිගුකාලීන වැඩසටහන් ක්රියාත්මක කළ යුතු වනවා. මෙහිදී විශේෂයෙන් අවධානය යොමු කළ යුතු ක්ෂේත්රයක වන්නේ අපේ රටේ අධ්යාපනයයි.
පසුගිය වසර පුරාම අඩාලව පැවැති අධ්යාපන කටයුතු යථාවත් කිරීම සඳහා රජය විසින් මේ දක්වා නිසි මඟ පෙන්වීමක් හෝ අත්යවශ්ය පියවර කිසිවක් රැගෙන නැහැ. මේ හේතුව නිසාම බොහෝ පාසල්වල තම හිතුමතේට අනුව අන්තර්ජාලය භාවිතාවෙන් අධ්යාපන කටයුතු කරගෙන යෑමට පෙළඹී තිබෙනවා. දරුවන්ගේ සෞඛ්යය පිළිබඳ කිසිදු සැලකීමක් නොදක්වා සිදුකරන මෙම අන්තර්ජාල අධ්යාපනය හේතුවෙන් ඉදිරියේදී අධ්යාපන සහතිකයක් සහිත නමුත් බරපතළ රෝගාබාධවලින් පෙළෙන දරුවන් පිරිසක් ඇතිවීම නැවැත්විය නොහැක .
කායික ආබාධ-
ඉතා කුඩා ජංගම දුරකථනයක තිරයක් දෙස දිගු වේලාවක් දෑස් යොමු කොට බලා සිටීම තුළ ,ඇස්වල මාංශපේෂි විඩාවට පත් වනවා පමණක් නොව ජංගම දුරකථන තිරය මගින් විහිදෙන දීප්තිමත් ආලෝකය බොහෝ වේලාවක් ඇසේ දෘෂ්ඨිවිතානය මත පතිත වීම හේතුවෙන් එයට දරුණු ලෙස හානි සිදුවෙනවා. මේ නිසා දරුවන්ගේ පෙනීම දුර්වලවීමේ දැඩි අවදානමක් තිබෙනවා. ඇස් වල වේදනාව සහ කඳුළු ගැලීම ,පෙනුම බොඳ වීම, හිසරදය වැනි ලක්ෂණ මෙහිදී මුලින්ම ඇති වෙනවා .
මෙයට අමතරව ඔලුව එකම ඉරියව්වක තබාගෙන සිටීම නිසා බෙල්ලේ කැක්කුම සහ, බෙල්ලේ මාංශ පේශි තද වීම හේතුවෙන් හිසරදය මෙන්ම බෙල්ලේ කැක්කුම, සිරුරේ එක් අංශයක් හිරිවැටීම වේදනාව ඇතිවීම සහ අක්රීය වීම ඇතිවිය හැකියි. මෙය එක්තරා ආකාරයක” අංශභාගය ” රෝග තත්ත්වයක් ලෙස හඳුන්වන්න පුළුවන්.
බොහෝ වේලාවක් ගෘහස්ථව එකතැන වාඩි වී සිටීම හේතුවෙන්, දරුවන් තරබාරු වීම උදරය නෙරා ඒම, විටමින් ඩී ඌනතාව, මෙන්ම බෝනොවන රෝග ගණයට අයත් දියවැඩියාව සහ රුධිරයේ කොලෙස්ටරෝල් වැඩිවීම අක්මාවේ තෙල් තැන්පත් වීම වැනි රෝග තත්ත්වයන්ට ද ගොදුරු වීමේ අවදානමක් තිබෙනවා .
මානසික ගැටලු
ජංගම දුරකථනවලින් පිටවෙන විකිරණවලට දිගු කාලයක් නිරාවරණය වීම නිසා කලබලකාරී ගතිය, නින්ද නොයාම, මානසික ආතතිය වැනි මානසික රෝග ඇතිවීමේ දැඩි සම්භාවිතාවක් තියෙනවා.
මේ සම්බන්ධව අධ්යාපන අමාත්යාංශයේ තම ප්රමුඛ සැලකිල්ල යොමු කොට වෛද්ය විශේෂඥයන්ගෙන් උපදෙස් ලබාගෙන දරුවන්ගේ අධ්යාපන කටයුතු අඛණ්ඩව කරගෙන යාම සඳහා සුදුසු ක්රමවේදයක් කඩිනම්ව සැකසිය යුතුව තිබෙනවා.
විකල්ප මොනවද?
විශේෂයෙන්ම අන්තර්ජාල අධ්යාපනය වෙනුවට ගුවන්විදුලි සහ රූපවාහිනී මාධ්ය යොදා ගනිමින් අධ්යාපන කටයුතු සිදු කිරීමට අවධානය යොමු කිරීම සුදුසු වනවා. අන්තර්ජාලය ඔස්සේ අධ්යාපන කටයුතු කිරීම අත්යවශ්ය වන්නේ නම් ඒ සඳහා මඟ පෙන්වීමක් වෛද්ය උපදෙස් අනුව සිදුකළ යුතු වෙනවා.
උදෑසන පහට පමණ ඇරඹෙන පාසල් අධ්යාපන කටයුතු රාත්රී 10 පමණ වනතුරු සමහර පාසල් වලින් නොකඩවා සිදුකිරීමට අත්තනෝමතිකව කටයුතු කර තිබෙනවා. මෙය වළක්වා පාසල් කාලය තුළ පමණක් නියමිත කාලසටහනකට අනුව එක වරකට පැය බාගයක උපරිමයකට යටත්ව වැඩසටහන් ක්රියාත්මක කිරීමත් එවන් වූ වැඩසටහන් දෙකක් අතර තවත් පැය භාගයක හෝ ඊට වැඩි කාලයක විරාමයක් ලබා දීමත් ඉතාමත්ම අවශ්ය වනවා.
මෙය ඉතා හදිසි සහ අත්යවශ්ය කටයුත්තක් ලෙස ඉටු කිරීම මගින් දැයේ දරුවන් අනාගතයේ රෝගීන් බවට පත් පත් වීම වළක්වා ගැනීමට අවධානය යොමු කළ යුතු වනවා.
