නැගෙනහිර පළාතේ මහ පොලොව නුහුලන තරමේ පාරිසරික අපරාධයක් සිදු කරමින් අනීතික ලෙස වැලි ජාවාරමේ යෙදීම ඇතුළු චෝදනා ගණනාවක් මත අනිවාර්ය නිවාඩු යැවුණු භූ විද්යා සහ පතල් කාර්යාංශයේ අධ්යක්ෂ ජනරාල් ආචාර්ය සජ්ජන ද සිල්වා එම තනතුරින් ඉවත් කරන ලෙස කාර්යාංශයේ හිටපු සභාපතිවරයකු අමාත්යවරුන් තිදෙනකු වෙතම කිහිප වරක් ලිඛිතව දන්වා තිබුණද දකුණේ ප්රබල දේශපාලන පවුලක බලපෑම් හේතුවෙන් මෙම අමාත්යවරුන් තිදෙනාටම ඔහු ඉවත් කරගත නොහැකි ව ඇති බව අනාවරණය වෙයි.
මෙම අධ්යක්ෂ ජනරාල්වරයා අනීතික ලෙස සිය රාජකාරී සීමාවෙන් පිට කටයුතු කිරීමට අමතර ව තීරු බදු රහිත වාහන බලපත්රයක් සම්බන්ධයෙන්ද චෝදනාවකට ලක්ව ඇති බවත් මෙම චෝදනා ගණනාවක් හේතුවෙන් ඔහු ඉවත කරන ලෙස භූ විද්යා සහ පතල් කාර්යංශයේ හිටපු සභාපති ආචාර්ය ඕ.කේ දිසානායක හිටපු විෂය භාර අමාත්යවරුන් වන මහින්ද අමරවීර, එස්.එම් චන්ද්රසේන සහ වර්තමාන අමාත්යවරයා වන නසීර් අහමඩ් වෙත ලිඛිතව දන්වා තිබුණද එය සිදුනොවුණේ මෙම අමාත්යවරුන්ට වඩා බලවත් දකුණේ ප්රබල දේශපාලන පවුලේ ආශිර්වාදය මෙම අධ්යක්ෂ ජනරාල්වරයාට ලැබුණු නිසා බව සඳහන් වෙ.
මේ දූෂණ පිළිබඳව ගවේෂණාත්මක වාර්තාවක් පළ කරන ඩේලි මිරර් පුවත් පත සඳහන් කරන්නේ කුරුණෑගල සහ හම්බන්තොට දේශපාලන සම්බන්ධතා ඇති මෙම පවුලේ ප්රබලයකු අධ්යක්ෂ ජනරාල්වරයා ඉවත් නොකරන ලෙසට කළ බලපෑම් කර ඇති බවය.
නැගෙනහිර පළාතේ වැලි කැණීම සඳහා ලබා දී ඇති කැණීම් බලපත්ර බහුතරයක හිමිකරුවන් කුරුණෑගල සහ හම්බන්තොට දිස්ත්රික්කයේ අය බව තමන්ට තහවුරු කර පෙන්විය හැකි බව එම කාර්යංශයේ සේවකයින් ද ඩේලි මිරර් වෙත අදහස් දක්වමින් සඳහන් කර ඇත.
එසේම සාෆිනගර් වැලි වංචාව ඇතුළු නැගෙනහිර පළාතේ සිදු කර ඇති වංචා හේතුවෙන් මේ වනවිට භූ විද්යා සහ පතල් කාර්යංශ හිටපු සභාපති එස්.පී මංජුල ඉවත් කෙරුණු අතර අධ්යක්ෂ ජනරාල් ආචාර්ය සජ්ජන ද සිල්වා අනිවාර්ය නිවාඩු යවා ඇත.
මෙම වංචාවලට අනුබල දුන් තවත් ඉහළ පෙළේ නිලධාරීන් කිහිප දෙනකු කාර්යාශයේ සිටින බවත් ඔවුන් වහාම අනිවාර්ය නිවාඩු යවන ලෙස සේවකයන් පරිසර අමාත්යංශ ලේකම් වෛද්ය අනිල් ජාසිංහගෙන් ඉල්ලා සිටිති.
