දකුණු පළාත ඇතුළු ප්රදේශවල බැංකුවල ඒ.ටී.එම්. යන්ත්රවලින් රුපියල් කෝටියකට අධික මුදලක් සොරා ගැනීම සම්බන්ධයෙන් මීගහතැන්න පොලීසියේ පාලන අංශයේ ස්ථානාධිපති ලෙස කටයුතු කරන පොලිස් පරීක්ෂකවරයෙකු සොරකමේ මූලිකයන් වන කැනේඩියානු සහ බල්ගේරියානු ජාතිකයන් දෙදෙනකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබ ඇත.
අපරාධ පරීක්ෂණ දෙපාර්තමේන්තුවේ පරිගණක අපරාධ අංශය විසින් අත්අඩංගුවට ගන්නා ලද පොලිස් පරීක්ෂකවරයා මොවුන්ට සහය දී ඇති බවට අනාවරණය වී ඇති අතර ඒ සඳහා සහය දුන් මීගමුවේ රාත්රී සමාජ ශාලාවක හිමිකරුවෙකු අතුළු සිව් දෙනෙකුද පොලිස් අත්අඩංගුවට පත්ව ඇති බව පොලිස් ආරංචි මාර්ග සඳහන් කරයි.
මෙම වංචාවෙන් මහ මොළකරු ලෙස සැලකෙන බල්ගේරියානු ජාතිකයා කැනඩා පුරවැසි බව හිමි පුද්ගලයකු වන අතර ඔහු වැල්ලවත්ත පීටර්සන් පාරේදී අත්අඩංගුවට ගෙන ඇත. කැනඩා ජාතිකයා මැලේසියාවට පළා යාමට සූදානමින් සිටියදී කටුනායක ගුවන් තොටුපෙලේදී අත්අඩංගුවට ගෙන ඇත. සොරකම මෙහෙයවූ විදේශිකයන් දෙදෙනා දෙදෙනා රටවල් ගණනාවක සංචාරය කරමින් මෙවැනි ආකාරයේ මුදල් සොරකම් රැසක් සිදු කළ ජාත්යන්තර අපරාධකරුවන් දෙදෙනෙකු බවට හදුනාගෙන ඇත.
හික්කඩුව, ගාල්ල සහ බද්දේගම යන ප්රදේශවල ඒ.ටී.එම්. යන්ත්ර 03ක පරිගණක පද්ධතියට ව්යාජ ඉලෙක්ටෝනික කඩ් පතක් භාවිත කර එහි පද්ධතියට ඇතුලු වී සූක්ෂම ලෙස රුපියල් මිලියන 111ක් ඔවුන් විසින් මීට දින කිහිපයකට පෙර සොරාගෙන තිබූ අතර මේ පිළිබඳව විමර්ශණ පරිගණක අපරාධ විමර්ශන කොට්ඨාශයට භාරවී ඇත්තේ මීට දින දෙකකට රෙය.
මෙම විදේශිකයන් අතර සිටින මහමොලකරු බල්ගේරියාවේ මුල් පුරවැසියෙක් වන කැනඩාවේ මේ වන විට පුරවැසි භාවය ලබා සිටින අයෙකි. අවුරුදු 35ක් පමණ වන මෙම විදේශිකයා පරිගණක භාවිතය පිළිබදව හසල දැනුමක් ඇති අයෙක් බව විමර්ශනවලින් පෙනී ගොස් තිබේ. මේ පුද්ගලයා පොලිස් ප්රශ්න කිරීම් හමුවේ පවසා ඇත්තේ තමා කැනඩාවේ කුලී රථයක් පදවන අයෙක් බවය.
මෙම පුද්ගලයා මලයාසියාව බලා පළායාමේ සූදානමින් ඊයේ අලුයම් කාලයේදී කටුනායක ජාත්යන්තර ගුවන්තොටුපොල වෙත ගොස් සිටියදී පරිගණක අපරාධ කොට්ඨාශය විසින් ලබා දුන් තොරතුරකට අනුව ගුවන්තොටුපොලේදී ඔහුව රඳවාගෙන පරිගණක අපරාධ කොට්ඨාසය වෙත භාරදී තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ඒ වන විට පරිගණක අපරාධ කොට්ඨාසයේ නිලධාරීන් විසින් ඔහුගේ සහයකයා වන බල්ගේරියානු ජාතිකයාව වැල්ලවත්ත පීටර්සන් පාරේ ස්ථානයකදී අත්අඩංගුවට ගෙන සිට ඇත. රටින් පළායාමට සූදානම් වූ කැනේඩියානු ජාතිකයා සම්බන්ධයෙන් වූ තොරතුරු පරිගණක අපරාධ විමර්ශන කොට්ඨාසයට ලැබී ඇත්තේ ඔහු මගිනි. අත්අඩංගුවට ගත් පොලිස් පරීක්ෂකවරයා ඔවුන් ට ගමන් පහසුකම් සැලසූ පුද්ගලයකු බව මූලික විමර්ශනවලදී අනාවරණය කරගෙන තිබේ.
