ත්රී කුණාමලය බුදු පිළිම සිද්ධිය සම්බන්ධයෙන් අත් අඩංගුවට ගෙන රක්ෂිත බන්ධනාගාරගත කළ බලංගොඩ කස්සප හිමියන් ඇතුළු භික්ෂූන් වහන්සේලා සිව් නමක් සහිත 10 දෙනෙකුගෙන් යුත් සැකකරුවන් පිරිස ලබන 9 වන දින දක්වා තවදුරටත් රක්ෂිත බන්ධනාගාර ගත කිරීමට ත්රිකුණාමලය මහේස්ත්රාත්වරයා අද (02) නියෝග කළේය.
ඒ එම නඩුව අද ත්රී කුණාමලය අධිකරණයේ කැඳවු අවස්ථාවේ දී ය.
ඒ අනුව ත්රිකුණාමලය කොටුව පාරේ පිහිටි ශ්රී සම්බුද්ධ ජයන්ති බෝධිරාජ විහාරස්ථානයේ විහාරාධිපති පූජ්ය ත්රිකුණාමලය කල්යාණවංශ තිස්ස හිමියන්, පූජ්ය බලංගොඩ කස්සප හිමියන්, පූජ්ය ත්රිකුණාමලය සුඛිතවංශ තිස්ස හිමියන් සහ පූජ්ය නන්ද හිමියන් නැවත බන්ධනාගාරගත කළ හිමිවරු සිවු දෙනා වූහ.
වෙරළ සංරක්ෂණ පනත යටතේ ඉදිරිපත් කර ඇති චෝදනා ඉවත්කර ගැනීම නීතිපතිවරයා සහ ත්රිකුණාමලය වරාය පොලීසිය ප්රතික්ෂේප කිරීමත් සමග ත්රිකුණාමලය මහෙස්ත්රාත්වරයා පසුගිය 19 වනදා නියෝග කළේ පසුගිය 28 වැනිදා දක්වා මෙම සැකකරුවන් රක්ෂිත බන්ධනාගාරගත කිරීමටය.
අනතුරුව පසුගිය 28 වැනිදා අධිකරණයට ඉදිරිපත් කළ සැකකරුවන් අද දිනය දක්වා රක්ෂිත බන්ධනාගාරගත කෙරිනි.
භික්ෂූන්වහන්සේලා සිවු නම ඇතුළු 10 දෙනෙකුගෙන් යුත් සැකකාර පිරිස අද (02) අධිකරණයට ඉදිරිපත් කළ අවස්ථාවේ දී ඔවුන් යළිත් සතියක කාලයකට රක්ෂිත බන්ධනාරාගත කිරීමට අධිකරණය නියෝග කළේය.
ත්රිකුණාමලය නගරයේ වෙරළ ආරක්ෂක කලාපය තුළ අනවසර කුටියක් ඉදිකර බුදු පිළිමයක් තැන්පත් කළේ යැයි වෙරළ සංරක්ෂණ හා වෙරළ සම්පත් කළමනාකරණ දෙපාර්තමේන්තුව මෙම පැමිණ්ල සිදුකර තිබිණි.
