කොළඹ ස්ථිර මහාධිකරණය විසින් වසර 20 ක බරපතල වැඩ සහිත සිර දඬුවමක් නියම කිරීමට එරෙහිව හිටපු අමාත්ය මහින්දානන්ද අලුත්ගමගේ අද (09) ශ්රේෂ්ඨාධිකරණය හමුවේ අභියාචනයක් ගොනු කළේය.
වර්ෂ 2014 දී කැරම් බෝඩ් ආනයනය කිරීමෙන් රජයට රුපියල් මිලියන 53 ක පාඩුවක් සිදුකිරීමේ චෝදනාව මත අලුත්ගමගේට නියම කරන ලද දඬුවමට එරෙහිව ඔහුගේ නීතිඥයින් විසින් මෙම අභියාචනය ගොනු කරන ලදී.
මැයි 29 වන දින, කොළඹ ස්ථිර මහාධිකරණය විසින් හිටපු ක්රීඩා අමාත්ය මහින්දානන්ද අලුත්ගමගේට වසර 20 ක් සහ හිටපු ලංකා සතොස සභාපති නලින් ප්රනාන්දුට වසර 25 ක බරපතල වැඩ සහිත සිර දඬුවමක් නියම කරන ලදී.
2015 ජනාධිපතිවරණ සමයේදී ක්රීඩා උපකරණ ආනයනය කර ස්වකීය දේශපාලන ව්යාපාරයේ තරුණ සංගම් වෙත බෙදා දීම සම්බන්ධ දූෂණ නඩුවකට වරදකරුවන් කරමින් මෙම දෙදෙනාට සිර දඬුවම් නියම විය.
අල්ලස් කොමිසම විසින් ගොනු කරන ලද නඩුවේදී හිටපු අමාත්යවරුන් දෙදෙනා රුපියල් මිලියන 100 ක් අයථා ලෙස පරිහරණය කළ බවට චෝදනා එල්ල විය.
වර්ෂ 2014 සැප්තැම්බර් 01 සිට දෙසැම්බර් 31 දක්වා කාලය තුළ ක්රීඩා සමාජවලට බෙදා හැරීම සඳහා කැරම් බෝඩ් 14,000 ක් සහ දාම් පුවරු 11,000 ක් ආනයනය කිරීමේදී රුපියල් මිලියන 53.1 ක් අයථා ලෙස පරිහරණය කිරීම සම්බන්ධයෙන් නඩුව පැවැත්විනි.
