සූරියවැව නුවන් ජයසේකර –
තණමල්විල නිකවැව ප්රදේශයේ සිදුකල විශේෂ වැටලීමකදි රුපියල් කෝටියක් පමණ වටිනා වියළි ගංජා කිලෝ 128ක්, අස්වනු නෙළීමට ආසන්න අක්කර දෙකක ගංජා වගාවක් හා අක්කර එකක පැල තවානක් , මෙරට නිශ්පාදිත ගිනි අවියක් සමග සැකකරුවන් තිදෙනෙකු ඊයේ (29) සවස අත් අඩංගුවට ගත් බව තණමල්විල මූලස්ථානය පවසයි.
තණමල්විල පොලිස් ස්ථානයේ විශේෂ කාර්යංශ නිළධාරීන්ට හා තණමල්විල මූලස්ථාන ප්රධාන පොලිස් පරීක්ෂකවරයාට ලද තොරතුරක් මත මෙම වැටලීම සිදුකර තිබේ.
ලද තොරතුරට අනුව සිදුකල මුල් වැටලීමේදී තණමල්විල නිකවැව ප්රදේශයේ පවත්වාගෙන ගිය අක්කරයක ගංජා පැල තවානක් සමග 38 හැවිරිදි පුද්ගලයෙකු අත් අඩංගුවට ගෙන ඇති අතර එහිදී සැකකරුගේ අසාමාන්ය හැසිරීම හේතුවෙන් සැක සිතී ඇත. පොලීසිය එහිදී ඔහුගෙන් සිදුකල වැඩිදුර ප්රශ්න කිරීමේදී ලද තොරතුරු වලට අනුව එම ස්ථානට මදක් දුරින් තිබී අස්වනු නෙළීමට ආසන්න අක්කර දෙකක ගංජා හේනක් හා අලෙවි කිරීමට සූදානම් කර තිබූ වියළී ගංජා කිලෝ 128ක් සමග 61 හැවිරිදි හා 58 හැවිරිදි සැකකරුවන් දෙදෙනෙකු මෙරට නිශ්පාදිත ගිනි අවියක්ද සමග අඩංගුවට ගෙන තිබේ.
අත්අඩංගුවට පත් සැකකරුවන් මිද්දෙනිය, ඇඹිලිපිටිය හා තණමල්විල ප්රදේශයේ පදිංචි පුද්ගලයන් තිදෙනෙකි. සැකකරුවන් කලක් තිස්සේ මෙම ජාවාරම සිදුකරගෙන ගොස් ඇති බවද මූලික විමර්ශන වලදී අනාවරණය වී තිබේ.
සැකකරුවන් වැල්ලවාය මහේස්ත්රාත් අධිකරණයට ඉදිරිපත් කිරීමට නියමිතය.
මොණරාගල කොකොට්ඨාශභාර ජ්යේෂ්ඨ පොලිස් අධිකාරි කමල් එන් ගුණවර්ධන, තණමල්විල සහකාර පොලිස් අධිකාරි බී.යූ.පී. මානියන්ගම, තණමල්විල මූලාස්ථාන ප්රධාන පොලිස්පරීක්ෂක ඩී.එම්.පී. බණ්ඩාරගේ උපදෙස් පරිදි තණමල්විල පොලීසියේ නිලධාරින් කණ්ඩායමක් සමග තණමල්විල පොලිස් ස්ථානයේ විශේෂ කාර්යංශයේ නිළධාරින් එක්ව වැටලීම සිදුකර සැකකරුවන් සමඟ ගංජා අත්අඩංගුවට ගෙන තිබේ.
