දිනසේන රතුගමගේ –
ටෙලෝ සංවිධානයේ නියෝජිතයින් පිරිසක් ජනාධිපති රනිල් වික්රමසිංහ හමු වී සාකච්ඡා කළ බව එම සංවිධානයේ නායක දෙමළ ජාතික සන්ධානයේ වන්නි දිස්ත්රික් පාර්ලිමේන්තු මන්ත්රී සෙල්වම් අඩෙයිකලනාදන් අද (4) දා පැවසීය.
තමා සමග මේ සාකච්ඡාවට ටෙලෝ සංවිධානය වෙනුවෙන් එහි ප්රධාන ලේකම් ගෝවින්දන් කරුණාකරනම් සහ ජාතික සංවිධායක සහ මාධ්ය ප්රකාශක එම්.සුරේන්ද්රන් යන අය සහභාගී වු බවද ඔහු කියා සිටියේය.
මේ හමුව දෙමළ ජාතික සන්ධානය වශයෙන් නොව ටෙලෝ සංවිධානය වශයෙන් පක්ෂය ගත් තීන්දුවක් මත සිදු වූ හමුවක් බව ද මන්ත්රීවරයා කීවේය.
ටෙලෝ සංවිධානය පැවසුවේ මේ හමුවීම උතුරු නැගෙනහිර ජනතාව මුහුණ දෙන ගැටලු කීපයක් මුල් කරගෙන සිදු වූ බවකි.
තම ඉල්ලීම වලට ජානාධිපතිවරයාගෙන් ඉතාම යහපත් ප්රතිචාර ලැබුණු බව කී සෙල්වම් අඩෙයිකලනාදන් මන්ත්රීවරයා එහිදී ජනාධිපතිවරයාට මූලිකවම ප්රශ්න හතරක් ඉදිරිපත් කළ බවද සඳහන් කළේය.
කෙසේ වෙතත් මේ ගතවෙමින් ඇත්තේ ජාතික ආණ්ඩුව පිහිටුවීම සඳහා සුළු පක්ෂ සමග ජනාධිපතිවරයා විසින් සාකච්ඡා පවත්වමින් සිටින කාලය බව අභ්යන්තර දේශපාලන ආරංචි මාර්ග කියයි.
ජාතික ආණ්ඩුවට එක්වන සෑම සුලු පක්ෂයකටම රාජ්ය ඇමති ධූරයක් හෝ නියෝජ්ය ඇමති ධූරයක් පිළිගැන්වීමේ එකඟතාවයක් මේ වනවිට ඇති වි තිබේ.
