කොළඹ ජාතික රෝහලේ “ට්රොපනින්අයි” පරික්ෂණය ඇනහිටිම හේතුවෙන් හෘද රෝගීන්ගේ ජීවිත දැඩි අනතුරකට පත්වා අතැයි වාර්තාවේ.
පපුවේ ඇතිවන වේදනාවක් සමඟ රෝහල්ගතවන රෝගියෙකුට හෘදයාබාධයක් වැලඳී තිබෙන්නේද නැද්ද යන්න හඳුනා ගන්නා ප්රාථමික පරික්ෂණය මෙය වන අතර එම පරික්ෂණයෙන් අනතුරුව ඔහුගේ ඉදිරි ප්රතිකාර සහ වැඩිදුර පරික්ෂණයන් සිදුකරනු ලබන බව ද වාර්තාවේ.
ඇතැම් අවස්ථාවන්වලදී මෙම පරික්ෂණයන් ජීවිතාරක්ෂ පරික්ෂණයන් හෝ හදිසි අත්යවශ්ය පරික්ෂණයන් කියමින් පිටතින් කර ගන්නා අවස්ථාවන්ද තිබෙන අතර මේ සඳහා සෞඛ්ය අමාත්යංශයේ මුදලින් පෞද්ගලික රෝහල්වලට රෝගීන් යොමුකරන බවද ලංකාසර වෙත අදහස් දක්වමින් ප්රකාශකයෙකු පැවසුවේය.
ඇතැම් රෝගීන්ට මෙම පරික්ෂණය පෞද්ගලික රෝහල් වෙතින් කර ගැනීමට සිදුවෙන බවත් ඔවුන්ට මේ සඳහා රුපියල් 8000 – 15000 අතර මුදලක් වැය වෙන බවත් එම ප්රකාශකයා කීය.
මෙම යන්ත්රය සකස් කිරීමට සෞඛ්ය අමාත්යංශය කටයුතු නොකරන තාක්කල් ජාතික රෝහලට පැමිණෙන හෘද රෝගීන්ට අවට පෞද්ගලික රෝහල් වෙත ගොස් සිය පරික්ෂණයන් කර ගැනීමට සිදුවීම හරහා ඔවුන් මහත් ආර්ථික පරිහානියට පත්ව ඇති බවද වාර්තාවේ.
මේ අතර හෘදයාබධයක් සෑදී පැමිණෙන රෝගීන් ජාතික රෝහලේ හෘද ප්රතිකාර ඒකකය වන වාට්ටු අංක 60 සහ 61 වටිටුවෙත යාමට තිබෙන විදුලි සෝපානය ක්රියා විරහිත වීම හේතුවෙන් හෘද රෝගීන්ට පඩිපෙළ භාවිත කරමින් ප්රතිකාර සඳහා වෛද්ය වාට්ටුව වෙත යාම සිදුව ඇති බවද වාර්තාව්.
බලධාරින්ව දැනුවත් කළද විදුලි සෝපානය සෑදිම දිනෙන් දින කල්මරන බවක් පෙන්වන්නේ යැයිද එම ප්රකාශකයා පැවසුවේය.
කෙසේ නමුත් ශල්ය උපකරණ නොමැති වීමේන් හදවත් සැත්කම් දින නියමක් නොමැති ව කල් දමන බැවින් රෝගීන් දැඩි කම්පනයට පත්ව ඇතැයිද වාර්තාවේ.
