අසේල කුරුළුවංශ –
මැලේසියාවේ පිනැන් දූපතේ දී රටවල් 50 ක පමණ රූපලාවන්ය ශිල්පීන්ගේ සහභාගිත්වයෙන් පැවැති 2025 Asian Beauty and Hairdressing තරඟාවලියේ දී රන්,රිදි හා ලෝකඩ පදක්කම් දිනා ගනිමින් ශ්රී ලංකාවට කීර්තියක් අත්කර දීමට පී.කේ ලක්ෂාන් දර්ශන රාජරත්න සමත්ව තිබේ.
ඔහු ස්මෝකි අයිස් ( Smoke Eyes),ස්ටේජ් මේකප් (Stage Makeup),ක්රියේටිව් අයි මේකප් (Creative Eye Makeup) යන කාණ්ඩ යටතේ තරඟයට ඉදිරිපත්ව පිළිවෙළින් රන්, රිදී හා ලෝකඩ පදක්කම් දිනාගෙන ඇත.
මහනුවර දර්ශන රාජරත්න බ්රයිඩ්ල්ස් ආයතනයේ නිර්මාතෘ වන ලක්ෂාන් හින්දු ආගමික ක්රමයට මනාලියන් හැඩගැන්වීමේ ජාතික මට්ටමමේ තරඟාවලියට සහභාගි වෙමින් 2020 දී දෙවන ස්ථානයද 2023 දී පළමු ස්ථානය ද දිනාගෙන තිබේ.
ප්රංශයේ පැවැති 2024 මනාලියන් හැඩගැන්වීමේ ජනත්යන්තර තරඟයේ දී ලෝකයේ රටවල් 90 ක පමණ රූපලාවන්ය ශිල්පීන් අතරින් ශ්රී ලංකාවට 06 වැනි ස්ථානය දිනා දීමට සමත් වූ ලක්ෂාන් ඉදිරියේ දී තවත් ජත්යන්තර තරඟ රැසකට සහභාගි වීමේ අපේක්ෂාවෙන් පසුවෙයි.
ජත්යන්තර තරඟයකට ශ්රී ලංකාවේ නිරූපන ශිල්පීන් ද සම්බන්ධ කර ගනිමින් සහභාගි වීමට අවම වශයෙන් රුපියල් මිලියන 02 ක පමණ මුදලක් වැයවන බවත් එම නිරූපන ශිල්පීන්ට වීසා ලබා ගැනීමේදී හෝ රජයේ සහයෝගය ලැබෙන්නේ නම් එය ඉතා වටිනා බවත් ලක්ෂාන් රාජරත්න පැවසුවේය.
ජත්යන්තර මට්ටමින් ජයග්රහණය රටට ලබා දීමට තරම් දක්ෂතා ඇති තරුණ තරුණියන් විශාල පිරිසක් මෙරට රූපලාවන්ය ක්ෂේත්රයේ නිරතව සිටින බවත් මුදල් ගැටලු හේතුවෙන් ඔවුන්ට එම අවස්ථා මග හැරෙන බවත් ඒ මහතා කීය.
