සජිත් ප්රේමදාසට සහාය ලබාදෙන බව පවසන උතුරේ කණ්ඩායමේ කොන්දේසිය වී ඇත්තේ “බෞද්ධාගමට මුල්තැන දීම පිළිගත නොහැකිය” යන්න බවත් ජයග්රහණය සඳහා ඕනෑම දෙයක් සිදු කරන මෙම පිරිස නායකත්වයට සුදුසුද යන්න පිළිබඳ ජනතාව තීරණය කළ යුතු බවත් අධ්යාපන අමාත්යාංශයේ පිරිවෙන් අධ්යාපන උපදේශක පූජ්ය දොඩම්පහල රාහුල හිමියෝ පවසති.
උන්වහන්සේ මේ බව පවසන්නේ අද ඉලංකෙයි තමිල් අරසු කච්චි නිල වශයෙන් සජිත් ප්රේමදාසට සහයෝගය දක්වන බව ප්රකාශ කරමින් පැවැත්වූ මාධ්ය සාකච්ඡාව තුළ හා නිකුත්කළ නිවේදනයෙහි බුදු දහමට මුල් තැන ලබාදීම පිළිබඳ වගන්තිය වෙනස් කරන අකාරයේ ව්යවස්ථා සංශෝධනයක් සඳහා එකඟවුන බවට කළ ප්රකාශය මුල් කරගනිමිනි. ඉලංකෙයි තමිල් අරසු කච්චි නායක මාවෙයි සේනාධිරාජා විසින් අද මෙම ප්රකාශය සිදුකරනු ලැබුවේය.
මේ සම්බන්ධව අදහස් දක්වමින් දොඩම්පහළ රාහුල හාමුදුරුවන් ප්රකාශ කළේ බෞද්ධ කොඩිය සහ ජාතික කොඩිය වෙනස් වෙනවා නම් සහ ආණ්ඩුක්රම ව්යවස්ථාවේ 9 වගන්තියෙන් ආරක්ෂා කර ඇති බුදු දහමට හිමි තැන අහිමි වනවා නම් එම බලවේගයන්ට එරෙහිව මහා සංඝරත්නයත්, ජනතාවත් පෙරට පැමිණිය යුතු බවය.
පූජ්ය දොඩම්පහල රාහුල හිමිපාණන් වහන්සේ මේ බව සඳහන් කර සිටියේ එළැඹෙන ජනාධිපතිවරණ ජයග්රහණය වෙනුවෙන් ජනාධිපති රනිල් වික්රමසිංහට ආශිර්වාද පළ කිරීමට අද (16) පස්වරුවේ නාරාහේන්පිට අභයාරාම විහාරස්ථානයේ පැවති ආශිර්වාදාත්මක සෙත් පිරිත් සජ්ජායනය ආරම්භ කිරීමට මත්තෙන් විශේෂ අනුශාසනාවක් සිදු කරමිනි.
එහිදී උන්වහන්සේ මෙසේ ද පැවසූහ.
බෞද්ධ කොඩිය වෙනස්වීමට යනවා නම්, ජාතික කොඩිය වෙනස් වෙනවා නම් ආණ්ඩු ක්රම ව්යවස්ථාවේ 9 වගන්තියේ සඳහන් බුදු දහමට හිමි තැන නැති වෙනවානම් අප පෙරට පැමිණිය යුතුයි.
අපේ රටේ ආගම් අතර කිසිදු ප්රශ්නයක් වී නැහැ. අපේ කාදිනල්තුමා, බිෂොප් වහන්සේලා, මවුලවිතුමාලා, කුරුක්කල්තුමන්ලා එය පිළිගන්නවා නම් මේ රට තුළ ඇති ප්රශ්නය කුමක්ද කියා මම අහනවා, නමුත් ප්රශ්න තිබෙන අලුත් කණ්ඩායමක් දැන් නිර්මාණය වී තිබෙනවා.
අපේ සජිත් ප්රේමදාස මැතිතුමා ඒ හා සමාන උපදේශකත්ව දෙන බොහෝ දෙනා අලුතින් ඒ පැත්තට එක් වූ අය මෙම භයානක උවදුර තුළ සිටිනවා. බෞද්ධ දර්ශනය ආරක්ෂා කර ගැනීමට මේ අයට අවශ්ය නැහැ.
අද යාපනයේ ප්රදේශයේ දේශපාලන අධිකාරියේ සිටින පිරිසක් එකට එක්ව යම් ප්රකාශයක් කර තිබෙනවා . ඔවුන් එක්තරා දේශපාලන පක්ෂයකට උදව් කරනවා. හැබැයි ඔවුන්ගේ ප්රධාන කොන්දේසියක් වන්නේ “අපි බුදු දහමට මුල් තැන දෙනවට කැමති නැහැ” කියලයි. එම කණ්ඩායම සජිත් ප්රේමදාස මහත්තයා සමග එක් වෙනවලු. මේ අය කොතනද නවතින්නේ කියා අප සිතා බැලිය යුතුයි.
ජයග්රහණය සඳහා ඕනෑම දෙයක් කරන්නම් කියා හිතන කණ්ඩාමකට එහා ගිය තැනක අප නතර විය යුතුයි.
