ඉල් මහ සමරුව ප්රධාන දේශනය පැවැත්වූ ජනාධිපති අනුර කුමාර දිසානායකගේ කතාව මාධ්යවලට යොම් කර තිබූ ජනතා විමුක්ති පෙරමුණේ මාධ්ය අංශය විසින් තමන් ඝාතනය කිරීමට සැලසුමක් තිබූ බවට ජනාධිපතිවරයා ප්රකාශ කළ බව දක්වා තිබිණි. මුලින් මාධ්ය වෙත යොමු කළ මාධ්ය නිවේදනයේ එම කතාව සඳහන්ව තිබුණේ පහත අයුරිනි.
“දූෂිත, ප්රභූ තන්ත්රය අතින් පොදු ජනතාව අතට බලය මාරුවීම. දෙක තමයි පුරවැසියන්ට නිදහස්ව හිතන්න, කටයුතු කරන්න, නිදහස ලබාදීම ගැන ඔවුන් බයයි. ඔවුන් සෑම විටෙකම කළේ පුරවැසියන් යටත් කොට තබාගෙන සිටීම. දේශපාලකයා තමන් විසින්ම ආරෝපණය කරගෙන පොරවාගෙන සිටින මහා ලෝගුව ගැලවෙනවාට බයයි. අපේ අරමුණුවලට බයයි. දේශපාලකයා මහජනතාවගේ ධනය නාස්ති කරන, විනාශ කරන තැන සිට දේශපාලනය මහජන සේවයක් දක්වා ගමන් කරනවාට ඔවුන් බයයි. මෙය කොයිතරම්ද කියනවා නම්, හිටපු ජනාධිපතිවරුන්ගේ වරප්රසාද අයින් කිරීමට කටයුතු කරන අවස්ථාවේදී මාව ඝාතනය කිරීමට කුමන්ත්රණයක් දියත් කිරීමට සූදානම් වුණා. ඔවුන් සෑම වෙලාවේම බයවෙමින් තිබුණේ අරමුණු හා යහපත් ගුණාංගවලට අපේ සමාජයත්, ජනතාවත් මේ ඉන්න පියවරෙන් අලූත් පියවරකට ඔසවා තැබීම ගැනයි. මේ අවදියෙන් අලූත් අවදියකට ඔසවා තැබීම ඔවුන් බයයි. ” නයනුවෙනි. මෙම සටහනේ පැහැදිලිව දක්වා තිබුණේ හිටපු ජනාධිපතිවරුන්ගේ වරප්රසාද අයින් කිරීමට කටයුතු කරන අවස්ථාවේදී මාව ඝාතනය කිරීමට කුමන්ත්රණයක් දියත් කිරීමට සූදානම් වුණා” ලෙසය.
කෙසේ වෙත්ත දැන් නැවත වරක් එම පක්ෂයේ මාධ්ය අංශය ජනාධිපතිවරයාගේ කථාව මෙසේ නිවැරදි කර ඇත.
“දූෂිත, ප්රභූ තන්ත්රය අතින් පොදු ජනතාව අතට බලය මාරුවීම. දෙක තමයි පුරවැසියන්ට නිදහස්ව හිතන්න, කටයුතු කරන්න, නිදහස ලබාදීම ගැන ඔවුන් බයයි. ඔවුන් සෑම විටෙකම කළේ පුරවැසියන් යටත් කොට තබාගෙන සිටීම. දේශපාලකයා තමන් විසින්ම ආරෝපණය කරගෙන පොරවාගෙන සිටින මහා ලෝගුව ගැලවෙනවාට බයයි. අපේ අරමුණුවලට බයයි. දේශපාලකයා මහජනතාවගේ ධනය නාස්ති කරන, විනාශ කරන තැන සිට දේශපාලනය මහජන සේවයක් දක්වා ගමන් කරනවාට ඔවුන් බයයි. මෙය කොයිතරම්ද කියනවා නම්, හිටපු ජනාධිපතිවරුන්ට ලබා දී තිබෙන වරප්රසාද අයින් කරනකොට එයාලා කියනවා, තමන්ව ඝාතනය කිරීමට කුමන්ත්රණයක් මේ තුළ තියෙනවා කියලා. ඝාතනය වුණොත් වගකියන්න ඔනෑ කියලා. ඔවුන් සෑම වෙලාවෙම බයවෙමින් තිබුණේ අරමුණු හා යහපත් ගුණාංගවලට අපේ සමාජයත්, ජනතාවත් මේ ඉන්න පියවරෙන් අලූත් පියවරකට ඔසවා තැබීම ගැනයි. මේ අවදියෙන් අලූත් අවදියකට ඔසවා තැබීම ඔවුන් බයයි.” ඒ අනුව ජනාධිපති අනුර කුමාර දිසානාය ඝාතනය කිරීමට කුමන්ත්රණයක් තිබී නැත. මාධ්ය අංශයට වැරදී ඇත.
