විදේශ ගත ශ්රමිකයින් නීත්යානුකූල ක්රමයට මෙරටට එවූ මුදල් ප්රමාණය මත විද්යුත් වාහන ආනයනය කිරීම සදහා ලබා දී ඇති බලපත්ර ඔස්සේ මෙම වාහන ගෙන්වීමට අදාල ණයවර ලිපි නිකුත් කිරීමට ලබාදී ඇති කාලය දීර්ඝ කරන ලෙසට ජනාධිපතිතුමා අවස්ථා තුනකදී දැනුම්දී ඇති නමුත් උපන්දා සිට මුදල් අමාත්යාංශයේ සිටින ඇතැම් නිලධාරීන් එයට අවශ්ය පියවර ගෙන නොමැති බව කම්කරු හා විදේශ රැකියා අමාත්ය මනූෂ නානායක්කාර මහතා පැවසීය.
නීත්යානුකූළව මෙරටට මුදල් එවූ ප්රමාණය මත පදනම්ව විද්යුත් වාහන ආනනයට බලපත්ර 900ක් නිකුත් කර ඇති බවත් ඒ හරහා ඩොලර් මිලියන 100ක මුදලක් ගෙන්වා ගැනීමට හැකියාව ලැබී ඇති බවත් අමාත්යවරයා පාර්ලිමේන්තුවේදී අමාත්යාංශයේ වැය ශීර්ශ විවාදයට එක්වෙමින් පැවසුවේය.
මෙරට ශ්රමිකයින් හට ජපානයේ නව රැකියා අවස්ථා රැසක් නිර්මාණය වී ඇති බවත් ඉදිරි මාර්තු මාසයේදී සිවිල් ගුවන් සේවා ක්ෂේත්රයේ රැකිය අවස්ථා හිමි වීමට නියමිත බවද අමාත්යවරයා සඳහන් කළේය.
මිනිස් ජාවාරම් වැලැක්වීමටත් උන්ඩියල් ජාවාරම් වැලැක්වීමටත් රාජ්ය පුද්ගලික හවුල්කාරීත්වයක් විදේශ සේවා නියුක්ති කාර්යාංශය ඩිජිටල්කරණයට ලක් කිරීමට පියවර ගන්නා බවද හෙතෙම පැවසීය
