ජනාධිපතිවරයා විසින් ඊයේ (28) රැස්කර තිබූ ආණ්ඩු පක්ෂ මන්ත්රී කණ්ඩායමේ රැස්වීම දැඩි උනුසුම් මුහුණුවරක් ගත් බව දේශපාලන ආරංචි මාර්ග කියයි.
මෙම උණුසුම්වීමට ප්රධාන හේතුව වී ඇත්තේ දේශීය ණය ප්රතිව්යුගත කිරීම නොව, අස්වැසුම ණය යෝජනා ක්රමය ය.
මේ සම්බන්ධව ඉතාම දැඩි විවේචනයක් එල්ල කළ පොදු ජන පෙරමුණු පාර්ලිමේන්තු මන්ත්රී ජගත් කුමාර ජනාධිපතිවරයා ඉදිරියේ අස්වැසුම සුබසාධන යෝජනා ක්රමය නිර්දය ලෙස විවේචනය කරමින් මෙය අතිශයින්ම අසාර්ථක, කලු ව්යාපෘතියක් බව ප්රකාශ කර ඇත.
රජය නියෝජනය කරන කිසිම දේශපාලකයෙකුට ගමට යෑමට නොහැකි පරිසරයක් මෙම සුබසාධන යෝජනා ක්රමය හරහා ඇති වී තිබෙන බව ජගත් කුමාර මන්ත්රීවරයා පෙන්වා දී ඇත. ජගත් කුමාර මන්ත්රීවරයාට සහයෝගය දක්වමින් මන්ත්රීවරු ගණනාවක් අස්වැසුම සුබසාධන යෝජනා ක්රමය විවේචනය කර තිබිණි.
මෙම විවේචනයට ඍජුව පිළිතුරු දී ඇත්තේ මුදල් රාජ්ය අමාත්ය ශෙහාන් සේමසිංහය. ඔහු පවසා ඇත්තේ රජය අවංක අධ්යාශයකින් කළ අස්වැසුම ව්යාපෘතියේ අඩුපාඩු නිවැරදි කිරීම සඳහා ජූලි 10 වැනිදා තෙක් කල් ලබා දී ඇති බවය. ඒ කාලය තුළ අභියාචනා ලබා දී ප්රතිලාභ ලැබීමට සිදුසු සියලු දෙනාම මෙම යෝජනා ක්රමයට ඇතුළත් කරගෙන නිසුදුස්සන් ඉවත් කිරීම සඳහා කටයුතු කරනු විනා ජනතාව උසිගන්වන වැඩ නොකරන ලෙස ඔහු ඉල්ලා ඇත.
දැඩි විවේචන මත ගැටුම් මැද රැස්වීම අවසන් වී තිබේ.
