ඡන්දය සාමකාමියි… පොලිස් මැතිවරණ කාර්යාංශය නිවේදනය කරයි!

මෙතෙක් ප්‍රචණ්ඩ ක්‍රියා වාර්තා වී නොමැති අතර, ජනාධිපතිවරණයේ ඡන්දය ප්‍රකාශ කිරීම සාමකාමීව සිදුවන බව පොලිස් මැතිවරණ කාර්යාංශය නිවේදනය කරයි.

අද උදෑසන 10 වනවිට දිස්ත්‍රික්ක වශයෙන් මාතලේ- 22%, හම්බන්තොට- මාතලේ- 22%, හම්බන්තොට- 25%, යාපනය- 22%, කිලිනොච්චිය- 27%, පුත්තලම- 23%, අනුරාධපුර- 30%, ත්‍රිකුණාමලය- 30%- යාපනය- 22%, කිලිනොච්චිය- 27%, පුත්තලම- 23%, අනුරාධපුර- 30%, ත්‍රිකුණාමලය- 30%- ගම්පහ 25% ඡන්දය භාවිතා කර තිබිණි.

මැතිවරණ ක්‍රියාවලියේ ආරක්ෂාව සහ අඛණ්ඩතාව සහතික කිරීම සඳහා දිවයින පුරා විශේෂ ආරක්ෂක වැඩසටහනක් ක්‍රියාත්මක කර තිබේ.

පොලිස් මාධ්‍ය ප්‍රකාශක නියෝජ්‍ය පොලිස්පති සහ නීතීඥ නිහාල් තල්දූව තහවුරු කළේ මැතිවරණ රාජකාරි සඳහා පොලිස් නිලධාරීන් 63,000කට ආසන්න පිරිසක් යොදවා ඇති බවයි. ගැටුම් කිසිවක් මෙතෙක් වාර්තා වී නොමැති බවද ඔහු සඳහන් කළේය.

පොලිසියට අමතරව ත්‍රිවිධ හමුදාවේ නිලධාරීන් ප්‍රධාන ආරක්‍ෂක ස්ථානවල ස්ථානගත කර ඇති බව ආරක්‍ෂක අමාත්‍යාංශය තහවුරු කර ඇත.

සාමය සහ ආරක්ෂාව පවත්වාගෙන යාම සඳහා අවශ්‍ය පරිදි අතිරේක පිරිස් යෙදවීමට ත්‍රිවිධ හමුදාව සූදානම් බව ද
ස්වාධීන සහ නිදහස් මැතිවරණයක් පැවැත්වීම සඳහා අවශ්‍ය සියලුම අත්‍යවශ්‍ය ආරක්ෂක විධිවිධාන ක්‍රියාත්මක කර ඇති බව ද ආරක්ෂක අමාත්‍යාංශය ජනතාවට සහතික වී ඇත.