චීනයේ කාර්ය බහුලම වරායක පුපුරා ගිය නෞකාවේ විත්තිය… ( වීඩියෝ සහිතයි)

චීනයේ කාර්යබහුලම වරායක්වන රටේ නැගෙනහිර Ningbo Zhoushan වරායේ අද සවස නෞකාවක් තුළ ප්‍රබල පිපිරීමක් සිදුවූයේය.

චීන රාජ්‍ය පුවත් ඒජන්සිය වන CCTV වාර්තා කළේ Ningbo Zhoushan වරායේ නැංගුරම්ලා තිබූ භාණ්ඩ ප්‍රවාහන නෞකාවක කන්ටේනරයක් පුපුරා ගිය බවය.

නැගෙනහිර චීන මුහුදේ පිහිටි Ningbo Zhoushan වරාය ජාත්‍යන්තර වෙළඳාම සඳහා ලෝකයේ කාර්යබහුලම වරායක් වන අතර චීන බොරතෙල් ආනයනය කරයි. වාර්ෂික ඇස්තමේන්තු වලට අනුව ඩොලර් ට්‍රිලියන 1ට වඩා වටිනා,  ටොන් බිලියන 1 කට අධික භාණ්ඩ ප්‍රමාණයක් සෑම වසරකම මෙම වරාය හරහා ගමන් කරයි.

චීනයේ ප්‍රධාන නැගෙනහිර මධ්‍යස්ථානය වන ෂැංහයි ඇතුළුව යැංසි ගංගා ඩෙල්ටාවට ද වරායේ සේවය ලැබේ.

පුපුරා යෑම

චීන සමාජ මාධ්‍ය වෙබ් අඩවියක් වන Weibo හි මේ පිපිරී යෑමේ සිදුවීමට අදාල රූප රාමු සීග්‍රයෙන් පැතිරී ගියේය. අනතුරුව රාජ්‍ය ප්‍රවෘත්ති ආයතන විසින් සිද්ධිය පිළිබඳ ඡායාරූප සහ වීඩියෝ දර්ශන විකාශය කළේය. එම පින්තූරවලින් පෙන්නුම් කළේ දේශීය වෙලාවෙන් පස්වරු 1:40 ට පමණ වරායේ නවතා තිබූ YM Mobility නෞකාවෙන් දුමක් නැගෙමින් තිබී ඉන් අනතුරුව විශාල පිපිරීමක් සිද්දවන ආකාරය ය.. වීඩියෝවල විශාල ගිනි බෝලයක් සහ අඳුරු දුමාරයක් එකවර අහසට පොලා පනින ආකාරය පෙනුණි.

චීන සමාජ මාධ්‍ය තුල මේ සිදුවීම සංසරණය වී තිබුනේ මෙසේය.

;

YM Mobility නෞකාව

ලයිබීරියාවේ ධජය සහිත YM Mobility නෞකාව තායිවාන නැව් සමාගමක් වන Yang Ming Marine Transport Corp සමාගමට අයත් නෞකාවකි.

නෞකාව අඩි 1000 ක් දිගය. අඩි 130 ක් පළලය. එහි ධාරිතාව ටොන් 81,000 කි. නැව්ගත කිරීමේ වාර්තා පවසන්නේ මෙම නෞකාව චීනය සහ මැද පෙරදිග අතර භාණ්ඩ රැගෙන යන බවයි.

MarineTraffic වෙබ් අඩවිය විසින් අල්ලා ගන්නා ලද GPS දත්ත මගින් පිපිරීමෙන් පැය කිහිපයකට පසු හානියට පත් බහාලුම් නෞකාව අසල ස්ථානගත කර ඇති ගලවා ගැනීමේ ටග් යාත්‍රා ගණනාවක් පෙන්නුම් කර ඇත.

නාවික ගමනාගමන වාර්තාවලට අනුව අගෝස්තු 8 වන දින Ningbo වෙත පැමිණීමට පෙර මෙම නෞකාව බදාදා ෂැංහයි හි නැංගුරම් ලා ඇත.

ඒ දකුණු චීන මුහුදට සහ ඉන්දියන් සාගරයට පිටත්වීමට පෙර චීනයේ නැඟෙනහිර වෙරළ තීරයේ ඇති තවත් වරාය දෙකක් වෙත ගමන් කිරීමට නෞකාවට නියමිතව තිබූ බැවිනි.

පිපිරීමේ ප්‍රතිඵල

සෙයිජියාන් හි සමුද්‍ර ආරක්ෂණ අධිකාරිය පැවසුවේ නැව් තටාකයේ සේවකයින් සහ නැව් කාර්ය මණ්ඩලයට කිසිදු හානියක් වාර්තා වී නොමැති බවයි. ප්‍රාදේශීය මාධ්‍ය වාර්තා පැවසුවේ පිපිරුමේ කම්පන තරංගය සැතපුම් භාගයකට වඩා වැඩි දුරකට දැනුණු බවත්, පිපිරීමෙන් අසල පිහිටි කාර්යාල ජනේල කැඩී ගිය බවත් ය.

වැඩි විස්තර ලබා නොදී යාත්‍රාවේ 5 පන්තියේ අන්තරායකර භාණ්ඩ ප්‍රවාහනය කළ බව බලධාරීහු පැවසූහ. ගුවන් සහ මුහුදු භාණ්ඩ ප්‍රවාහනය පිළිබඳ චීන රෙගුලාසි අනුම මෙම කාණ්ඩය යටතේ ඔක්සිකාරක ද්‍රව්‍ය සහ කාබනික පෙරොක්සයිඩ් ලැයිස්තුගත කරයි.

මූලික සොයාගැනීම් උපුටා දක්වමින් රාජ්‍ය ප්‍රවෘත්ති ඒජන්සි පැවසුවේ නෞකාවේ තිබූ එක් බහාලුමක් ගිනිගෙන ඇති නමුත් හේතුව තවමත් විමර්ශනය වෙමින් පවතින බවය.

නෞකාව අයත් Yang Ming Marine Transport සිද්ධිය සම්බන්ධයෙන් ප්‍රසිද්ධියේ අදහස් දක්වා තිබුණේ නැත .

චීනයේ සමුද්‍රීය ආරක්ෂණ පරිපාලනය සිද්ධිය සම්බන්ධව වහාම ප්‍රතිචාර දක්වා නැත.