දිනසේන රතුගමගේ –
යාපනයේ ජනප්රිය පිරිමි පාසලක ගුරුවරයෙකු විසින් එම පාසලේ 10වන ශ්රේණියේ සිසුවෙකුට අමානුෂීය අන්දමට පහර දී තුවාල සිදු කිරීමේ සිද්ධියක් සම්බන්ධයෙන් යාපනයේ මානව හිමිකම් කොමිෂන් සභාව අද 4 දා පරීක්ෂණයක් ආරම්භ කොට තිබේ.
ගුරුවරයාගේ පහර කෑමට ලක් වූ සිසුවා යාපනය ශීක්ෂණ රෝහලේ ප්රතිකාර ලබන අතර එම සිසුවාගේ දෙමව්පියන් විසින් මානව හිමිකම් කොමිසමට කරණ ලද පැමිණිල්ලකට අනුව පරීක්ෂණ කටයුතු ආරම්භ කොට තිබේ.
යාපනයේ මානව හිමිකම් නිලධාරීන් අදාල විදුහලේ විදුහල්පතිවරයා හමු වී ප්රකාශයක් ලබා ගෙන ඇති අතර ඔහුද එම ක්රියාව වරදක් ලෙස දැක ඒ සම්බන්ධයෙන් ප්රකාශයක් ලබා දී තිබේ.
ගුරුවරයාගේ පහර කෑමට ලක් වූ සිසුවාට තුවාල සිදුව ඇති අතර අස්ථි බිදීමකටද ලක්ව සිටින බව යාපනය ශීක්ෂණ රෝහලේ වෛද්යවරුන් ප්රකාශයට පත්කොට ඇත.
සිසුවාට බරපතල තුවාල සිදුව ඇති බැවින් යාපනය ශීක්ෂණ රෝහලේ අධිකරණ වෛද්ය නිලධාරීවරයාගෙන් වාර්තාවක් මානව හිමිකම් කොමිසමේ නිලධාරීන් විසින් ඉල්ලා ඇත.
මෙම ගුරුවරයාට එරෙහිව මෙතෙක් පොලීසියේ පැමිණිල්ලක් නොමැති නිසා ඔහුව අත් අඩංගුවට ගෙන නොමැති අතර මානව හිමිකම් කොමිසමේ නිලධාරීන් ඔවුන්ගේ වාර්තාවට අනුව පොලිසියේ පැමිණිල්ලක් දැමීමට පියවර ගෙන තිබේ.
