ලලිත් චාමින්ද –
ගාල්ල මහ නගර සභාවේ ඇති වූ මැර ගාලගෝට්ටියට මැදිව දැඩි කම්පනයට පත් ගාල්ල නාගරික ලේකම් ෆර්සියා ෆර්වින් හදිසියේ ඇති වු අසනීප තත්ත්වයක් මත ගාල්ල කරාපිටිය ජාතික රෝහලට ඇතුළත් කර තිබේ.
නගර සභාවේ ප්රකාශකයෙක් පැවසුවේ දැඩි ආතති තත්ත්වය දරාගත නොහැකිව ක්ලාන්ත ස්වරූපයෙන් සිටි ඇය රෝහලට පිටත් කළ බවය.
සභාවාරය ආරම්භ වීමත් සමගම “හොරා හොරා අපේ ඡන්ද මංකොල්ල කෑවා” යනුවෙන් විපක්ෂයේ මන්ත්රීවරුන් සියල්ල එක හඬින් ඝෝෂා කිරීම නිසා සභාවේ හඬ අපැහැදිලි විය.
මෙහිදී නගරාධිපතිවරයා න්යාය පත්රානුකූලව සභාවේ වැඩකටයුතු කරගෙන ගිය අතර ඉන් අනතුරුව කාරක සභා අවස්ථාව නිවේදනය කළේය.
වියරු ස්වරූපය වඩාත් පල වුනේ ඉන් අනතුරුවය. කාරක සභා අවස්ථාව නිවේදනය කරනවාත් සමගම ඒකාබද්ධ විපක්ෂයේ මන්ත්රීවරු පිරිසක් ලේකම් මණ්ඩලයේ වාඩිවී සිටින ස්ථානය වට කළහ. ඔවුන්ට බැන වදිමින් කෑ කෝ ගැසූහ. සභා ලේකම්වරයා ඇතුළු නිලධාරීන් වට කිරීමෙන් පසු ලේකම් මණ්ඩලයට ජල ප්රහාර එල්ල විය. මේ පහත් වියරු හැසිරීම මුලින්ම ප්රකට කරමින් ලේකම් මණ්ඩලයට ජල ප්රහාරය එල්ල කිරීම ආරම්භ කරන්නේ විපක්ෂ මන්ත්රීවරියක වීම විශේෂය.
තත්ත්වය වඩාත් උත්සන්න වීමත් සමඟම පැය භාගයකට කල් තැබූ නගරාධිපතිවරයා සභාවෙන් බැස යාමත් සමඟම නැවතත් විපක්ෂ මන්ත්රීවරු විරෝධතාවය පළ කරන්නට වූහ.
පැය එක හමාරක කාලයකින් පසුව නගර සභාවේ කාරක සභා අවස්ථාව ආරම්භ වූ අතර ඒ ආරම්භ වි විනාඩි කිහිපයක් තුළ විපක්ෂය මන්ත්රීවරු සියලු දෙනා සභා ගැබේන් එළියට පැමිණියහ..
