ලලිත් චාමින්ද –
පසුගිය පාර්ලිමේන්තු මැතිවරණයේ දී ශ්රි ලංකා පොදුජන පෙරමුණෙන් ගාල්ල දිස්ත්රික්කය සඳහා පාර්ලිමේන්තුවට තේරීපත්වු මන්ත්රිවරු හත් දෙනා ඉදිරි ජනාධිපතිවරණයේ දි කණ්ඩායම් තුනකට බෙදී අපේක්ෂකයින් තිදෙනෙකුට සහයෝගය ලබාදිම සඳහා ඉදිරිපත් වි ඇත.
ඒ අනුව සෞඛ්ය හා කර්මාන්ත ඇමති වෛද්ය රමේෂ් පතිරණ, රාජ්ය ඇමතිනි ගිතා කුමාරසිංහ, පාර්ලිමේන්තු මන්ත්රි හා ගල්ල දිස්ත්රික් සම්බන්ධීකරණ කමිටුවේ සම සභාපති සම්පත් අතුකොරල ඉදිරි ජනාධිපතිවරණයේ දි ස්වාධිනව තරග කරණු ලබන ජනාධිපති රනිල් වික්රමසිංහ මහතාට සහයෝගය ලබාදිම සදහා ඉදිරිපත් වි ඇත.
පාර්ලිමෙන්තු මන්ත්රීවරුන්වන ෂාන් විජේලාල් ද සිල්වා, සහ චන්දිම විරක්කොඩි සමගිජන බලවේගයේ ජනාධිපති අපේක්ෂක විපක්ෂනායක සජිත් ප්රේමදාස මහතාට සහයෝගය ලබදෙති.
කෘෂිකර්ම රාජ්ය අමාත්ය නිතිඥ මොහාන් පි ද සිල්වා , පාර්ලිමේන්තු මන්ත්රි ඉසුරු දොඩංගොඩ ශ්රිලංකා පොදුජන පෙරමුණේ ජනාධිපතිධුර අපේක්ෂක පාර්ලිමේන්තු මන්ත්රි නාමල් රාජපක්ෂට එක් වී සිටිති.
මේ වනවිට මෙම මැති ඇමතිවරු තමන් සහයෝගය ලබාදෙන ජනාධිපතිධුර අපේක්ෂකයා ජයග්රහණය කරවිම සඳහා ගාල්ල දිස්ත්රික්කය තුළ මැතිවරණ ප්රචාරක කටයුතු මේ වනවිටත් ආරම්භකොට ඇත.
