ලලිත් චාමින්ද –
ගල් අගුරුවල කාර්යක්ෂමතාව සහ ගුණාත්මකභාවය තක්සේරු කීරිම සදහා ගල් අඟුරු පරික්ෂාව සිදුකොට ඒවායේහි ලිඛිත සාක්ෂි විගණනයට ඉදිරිපත් කළයුතු බවට ජාතික විගණන කාර්යාලය පවසයි.
විගණනය මේ දැනුම්දීම කරනු ලබන්නේ මතු වී ඇති ගල් අඟුරු සම්බන්ධව ගැටලුවට අදාල මැදිහත්වීම සිදුකරමිනි.
ගල් අඟුරු සමාගම පවසන්නේ ලක්විජය බලාගාරය සදහා අවශ්ය ගල් අගුරු පිරිවිතරයන් ලංසු ලේඛනයේ පැහැදිලිව දක්වා ඇති බවය. සපයනු ලැබු ගල් අගුරු නිශ්චිත ප්රමිතීන්ගෙන් බැහැරවන අවස්ථාවන්හිදි ගල් අඟුරුවල ගුණාත්මක භාවය සහ ප්රමාණය මත පදනම්වු මිල ගැලපීම් යෙදෙන ප්රධාන පරාමීතින් හතක් ඇති බවත් සමාගම කියයි.
මෙම පරාමීතින් සහ ඒවායේ අදාළ ගැලපුම් සූත්ර ලංසු ලේඛනයේ විස්තර කර ඇති බව පෙන්වාදෙන ගල් අඟුරු සමාගම සපයනු ලබන ගල් අගුරුවල ගුණාත්මකභාවය මත පදනම්ව මිල ගැලපුම් යාන්ත්රණයක් හරහා ගල් අඟුරුවල ගුණාත්මකභාවයේ ඕනෑම වෙනසක් විසඳාගත හැකි බව පෙන්වා දෙයි.
එමෙන්ම 2025 ජනවාරි සිට 2026 වර්ෂයේ මැයි දක්වා සහ 2026 මැයි සිට 2027 වර්ෂයේ මැයි දක්වා කාලය තුළ සපයනු ලබන ගල් අඟුරු පරික්ෂා කිරිමට ස්වාධින පරික්ෂණ ආයතනයක් තෝරා ගැනීමට ලංකා විදුලිබල මණ්ඩලය විසින් ටෙන්ඩර් කැඳවා එම ටෙන්ඩරය COTECNA Inspection ආයතනය වෙත ප්රදානය කර බව බලශක්ති අමාත්යංශය විසින් 2025 වර්ෂයට අදාළව නිකුත්කොට ඇති ප්රගති වාර්තාවේ සදහන් වේ.
ගල් අගුරු ප්රමාණයේ බර මැනීම, ගොඩබෑමේ වරායේ ගල් අගුරු නියදීම සහ විශ්ලේෂණය මෙකි ආයතනය මගින් සිදුකරයි.
