ගණේමුල්ල සංජීව ඝාතන සිද්ධියෙන් පසු ඉෂාරා සෙව්වන්දිට නවාතැන් සහ රැකවරණය ලබා දුන් පොලිස් කොස්තාපල් කෙනෙක් සමග තවත් පුද්ගලයින් දෙදෙනෙක් අත් අඩංගුවට ගෙන ඇතැයි විමර්ශන අංශ පවසයි.
ඒ ගණේමුල්ල සංජීව ඝාතන සිද්ධයෙන් පැසු ඇය සැඟව සිටි ස්ථාන අද කොළඹ අපරාධ කොට්ඨාසය විසින් නිරීක්ෂණය කිරීමෙන් අනතුරුව මෙම අත් අඩංගුවට ගැනීම් සිදුකර තිබිණි.
කොළඹ අපරාධ කොට්ඨාසය භාරයේ සිටින ඉෂාරා සෙව්වන්දි ඇය සැඟව සිටි බව කියන මතුගම ප්රදේශයේ ස්ථාන කීපයක් විමර්ශන නිලධාරීන්ට පෙන්වා ඇත.
සැක පිට අත් අඩංගුවට ගත්තේ පොලිස් කොස්තාපල් කෙනෙක්, ඔහුගේ බිරියගේ මව සහ මතුගම ශාන් නැමති සංවිධානාත්මක අපරාධකරුගේ සමීපතමයෙකි.
ගණේමුල් සංජීව ඝාතනයෙන් පසු මාස තුනක් තිස්සේ තමන් ප්රදේශ කීපයක සැඟවී සිටි බව ඉෂාරා සෙව්වන්දි ප්රකාශ කළාය. ඇය ඉන් මාස එක හමාරක්ම සැඟවී සිට ඇත්තේ මතුගම ප්රදේශයේය.
