සූරියවැව නුවන් ජයසේකර –
කලක සිට පාසැල් සිසුන්ට ගංජා අලෙවි කිරිමේ ජාවාරමක නිරත වු පුද්ගලයෙකු වියළි ගංජා ග්රෑම් 850ක් සමග තණමල්විල පොලිසිය විසින් ඊයේ ( 13 ) සවස අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ තණමල්විල ගාමිණීපුර පදිංචි 34 හැවිරිදි පුද්ගලයෙකි.
තණමල්විල ප්රදේශයේ පාසලක සිසුවෙකු ගංජා සමග පාසල තුළ දී විදුහල්පති වරයාට හමු වි ඇති අතර විදුහල්පති වරයා විසින් සිසුවා පිළිබදව පොලිසියට දන්වා තිබේ. ඒ අනුව පොලිස් නිළධාරීන් කණ්ඩායමක් අදාල සිසුවාගෙන් සිද්ධිය පිළිබඳව ප්රශ්න කර තිබේ.
එහිදි සිසුවා පවසා තිබෙන්නේ පාසලේ මිතුරන් සමග පානය කිරීම සඳහා ගංජා රැගෙන ආ බවත් තණමල්විල ගාමිණීපුර පදිංචි අයෙකු විසින් මෙම ගංජා අලෙවි කිරීම කළ බවත්ය.
සිසුවාගෙන ලද තොරතුර අනුව පොලිසිය විසින් අදාල සැකකරුගේ නිවස වටලා සැකකරු අත්අඩංගුවට ගෙන ඇති අතර එහිදී සැකකරුගේ නිවසේ තිබි සිසුන්ට අලෙවි කිරීමට සූදානම් කර තිබු වියළි ගංජා ග්රෑම් 850ක් අත්අඩංගුවට ගෙන ඇත.
සැකකරු කලක සිටම පාසැල් සිසුන්ට හා පුද්ගලික උපකාරක පන්ති යන සිසුන් වෙනුවෙන් ගංජා අලෙවි කිරීම සිදුකර තිබේ. සැකකරු වැල්ලවාය මහේත්රාත් අධිකරණයට ඉදිරිපත් කිරිමට නියමිතය. තණමල්විල මුලස්ථාන ප්රධාන පොලිස් පරීක්ෂක ඩී.එම්.පී.බණ්ඩාර ගේ ප්රධානත්වයෙන් වැඩිදුර විමර්ශන පවත්වයි.
