ශ්රියානි විජේසිංහ –
විදේශීය සමාගම්වලට ශ්රි ලංකාවේ ගංජා වගා කිරීම සඳහා අවසර ලබා දීමට රජය ගෙන ඇති තීරණය පිළිබඳව දැඩි විරෝධය පල කරමින් එම තීරණය වහාම අවලංගු කරන ලෙස ඉල්ලා ශ්රී ලංකාවේ වෛද්ය වෘත්තිකයින් නියෝජනය කරන ප්රධානම අධ්යයන ආයතනයවන ශ්රී ලංකා වෛද්ය සංගමය ජනාධිපති අනුර කුමාර දිසානායක වෙත ලිපියක් යවා තිබේ.
එක්සත් රාජධානිය එක්සත් ජනපදය වැනි රටවල් පවා කංසාවලින් ආශ්රිත ඖෂධ භාවිතය සඳහා අනුමැතිය ලබා දී ඇත්තේ ඉතා විරල රෝගාබාධ සඳහා සීමා සහිත තත්ත්වයන් යටතේ බැවින් මෙම තීරණය ගැනීමට රජය යොදාගෙන ඇති ” ඖෂධ සඳහා භාවිතය” යන පදය නොමග යවනසුළු යෙදුමක් බව එම ලිපියෙන් ශ්රී ලංකා වෛද්ය සංගමය ජනපතිට දන්වයි.
පරීක්ෂණ සඳහා සහ ඖෂධ සඳහා භාවිතයට ලංකාවේ ගංජා වගා කිරීම අවශ්ය නැති බවත් ඒ සඳහා ලෝකයේ රටවල් ටොන් ගණනින් ගංජා වගා කරන බවත් පෙන්වා දෙන එම සංගමය මේ අවස්ථාවේ රජය පැටලී ඇත්තේ ගංජා වගාව සිදුකරගෙන ගොස් බිලියන ගණන් පාඩු ලැබූ ගෝලීය බහු ජාතික සමාගම්වල උගුලක බව ද මෙහි අවසන් පියවර වනු ඇත්තේ ගංජා භාවිතයට යොමුවීම වළක්වාලන ආරක්ෂිත පියවර බිඳ දැමීමේ මූලික ප්රවේශය බවද එම සංගමය පෙන්වා දෙයි.
සංගමය විසින් ජනාධිපතිවරයාට යැවූ සම්පූර්ණ ලිපිය පහත දැක්වේ.
