ශ්රියානි විජේසිංහ –
කොළඹ ජාතික රෝහලේ B ශල්යාගාරයේදී සැත්කමකට පැමිණි රෝගී කාන්තාවක් සඳහා ඔක්සිජන් වෙනුවට කාබන් ඩයොක්සයිඩ් ලබා දීම හේතුවෙන් රෝගියා ශල්ය ඇද මතම මියගොස් ඇතැයි රෝහල් ආරංචි මාර්ග සඳහන් කරයි.
වාට්ටු අංක 6A නේවාසිකව සිට පියයුරු ආශ්රිත ශල්යකර්මයක් සඳහා මෙම කාන්තාව ශල්යාගාර B වෙත ඇතුළත් කර ඇතැයි වාර්තාවේ.
මෙසේ මියගොස් ඇත්තේ නුගේගොඩ ප්ර දේශයේ පදිංචි අවුරුදු 61 වයසැති අවිවාහක කාන්තාවක් බවත් මේ වන විට ඇයගේ මෘත දේහය රෝහල් මෘත ශරීරාගාරයේ රඳවා ඇති බවත් දැනගන්නට ඇත.
මෙම මරණයට හේතුව ලෙස ඔක්සිජන් අඩුවීම (Respiratory Hypoxia) ලෙස සටහන් කර ඇතත් වෙනත් අනපේක්ෂිත සිදුවීමක් ලෙස සටහන් කර නොමැති බවද වාර්තා වේ.
අප මේ සිදුවීම සම්බන්ධයෙන් රෝහල් බලධාරීන්ගෙන් කළ විමසීමක දී ඔවුන් ලංකාසරට කීවේ එවැනි සිදුවීමක් වාර්තා වී ඇති බවත් ඒ සම්බන්ධව මේ වනවිට මූලික සොයා බැලීමක් කරමින් සිටින බවත්ය.
අනතුරුව පරිපූරක වෛද්ය සේවා ඒකාබද්ධ බල මණ්ඩලයේ සභාපති රවී කුමුදේශ් කළ ඔහු වීමසීමේ දී ඔහු සඳහන් කළේ මෙවැනි සිදුවීමක් සම්බන්ධයෙන් වාර්තා වී ඇති බවත් ඒ පිලිබදව නිවැරදි තොරතුරු සොයා බලමින් සිටින බවත් ය.